اقش-تىڭ ارنايى قىزمەتى  دەموكراتيالىق پارتيانىڭ ۇلتتىق كوميتەتىنىڭ  ۇرلانعان حاتتارىن Wikileaks-كە بەرگەن رەسەيلىك دەلدالداردى انىقتادى دەپ حابارلايدى cnn.com. بۇل جونىندە باراك وباماعا بەرىلگەن باياندامادا ايتىلادى. الايدا ەشقانداي ادامداردىڭ ەسىمدەرى اتالمايدى. بەيسەنبى كۇنى اق ءۇيدىڭ رەمي ۋاكىلى دجوش ەرنەست باراك وبامانىڭ 50 بەتتىك باياندامانى العانىن حابارلادى. كەلەسى اپتادا باياندامانىڭ قۇپيا ەمەس نۇسقاسى حالىق نازارىنا ۇسىنىلادى.

اقش دەموكراتيالىق پارتياسىنا سايلاۋ كەزىندە جاسالعان حاكەرلىك شابۋىلدى امەريكاندىق بارلايتىن ۇيىم رەسەيدىڭ جوعارى باسشىلىعىنان كورەتىندىگى  قاڭتاردا بەلگىلى بولدى. شابۋىل ماقساتىنىڭ اۋقىمدىلىعى مەن ماڭىزدىلىعى نەگىزىندە قورىتىندى جاسالدى.

3 قاڭتاردا WikiLeaks قۇرىلتايشىسى دجۋليان اسسانج سايتتىڭ رەسەيمەن ەشقانداي بايلانىسى جوق ەكەنىن مالىمدەدى.

29 جەلتوقساندا وباما مەن اقش قارجى مينيسترلىگى امەريكاندىق سايلاۋ ناۋقانى كەزىندە كيبەر شابۋىل جاساعانى ءۇشىن رەسەيگە سانكسيا سالدى. ونىڭ ىشىندە فەدەرالدى قاۋىپسىزدىك قىزمەتى مەن قارۋلى كۇشتىڭ باس بارلاۋ باسقاراماسى بار. ۇلتتىق قاۋىپسىزدىك اگەنتتىگى مەن فەدەرالدى زەرتتەۋ بيۋروسىنىڭ ورتاق  قۇجاتىن جاريالادى. وندا كيبەرشابۋىلداردى رەسەي بيلىگى جاسادا دەپ كورسەتىلگەن.  

ترامپتىڭ جەڭىسكە جەتۋىنە كومەكتەسۋى ءۇشىن پرەزيدەنتتىك سايلاۋعا ارالاستى دەپ اقش رەسەيدى بىرنەشە مارتە ايىپتادى. ولاردىڭ ويىنشا 2016 جىلدىڭ ماۋسىم ايىندا حاكەرلەر دەموكراتيالىق پارتيانىڭ ۇلتتىق كوميتەتىنىڭ جانە كونگرەسستەگى سايلاۋ بويىنشا پارتيالىق كوميتەتىنىڭ سەرۆەرىن بۇزدى. رەسەي ساناق جۇرگىزەتىن ماشينانى بۇزۋ ارقىلى سايلاۋ پروسەسىنە اسەر ەتكىسى كەلدى دەگەن ايىپتار دا تاعىلدى. ماسكەۋ بارلىعىن جوققا شىعارىپ وتىر.