الەۋمەتتىك قوعامنىڭ نارازىلىعىنا ۇشىراعان «جۇڭگو كۇيەۋلەر» ماسەلەسىنە ۇلتشىلدار وكىلى مۇحتار تايجان دا ءوز كوزقاراسىن ءبىلدىردى.
«ويباي، بىتتىك، توزدىق، قىتايلار قىزدارىمىزدى الىپ كەتەدى، ارنايى اگەنتتىك اشىپ قويدى».
«ويباي، جاستارىمىز نە بولماق، 91 توبى سەكىلدى بۇزىلىپ بارا جاتىر ەمەس پە؟»
«ويباي، قازاق ءتىلىمىز ءولىپ بارا جاتىر، نە ىستەيمىز؟»
دوستار، ءوز باسىم قازاق قىزدارىمىزعا دا، جاستارىمىزعا دا سەنەم، پانيكاعا ەش نەگىز كورىپ تۇرعان جوقپىن. جالپى، جاستارىمىز نەگىزى قازاق ءتىلدى، رۋحتى، نامىستى.
1. وزگە ۇلتتارعا تيگەن قازاق قىزدارىنىڭ ىشىندە 4-اق پايىز عانا. ال قازاق جىگىتتەردىڭ ىشىندە بۇندايلار 8% قۇرايدى. نەگىزى، ينتەرنەت بار كەزدە وزگەلەرگە تيەم، نەمەسە وزگە ۇلتتان الام دەپ جۇرگەن قىزدار مەن جىگىتتەر ءبارىبىر بۇنداي مۇمكىندىكتى تابادى. ءبىراق نەگىزىندە قىزدارىمىز (96%!) قازاق جىگىتتەردى تاڭدايدى. قازاق جىگىتتەردىڭ 92% قىزداردى ءوز ۇلتىنان الادى. نەگىزى، ول ءۇشىن قىزدارىمىزعا دا، جىگىتتەرگە دە باسىمىزدى ءيىپ دۇعاي العىس ايتۋىمىز ءجون! جالپى جاستارىمىزدى ۇناتامىن.
2. ءبىز قۇرتتاي، كىپ-كىشكەنتاي ۇلت ەمەسپىز. شەتەلدە تۇرىپ جاتقان قانداستارىمىزدى ساناماساق تا ۇلتىمىز قۇدايعا شۇكىر 12 ملن استام قۇرايدى، ول قازاقستاننىڭ 77%. ءبىز كورشىلەرىمىز - قىرعىزداردان، تۇرىكمەندەردەن، تاجىكتەردەن، كۇرجىندەردەن، ازەربايجانداردان، بالتيا ۇلتتارىنان (لاتىش، ليتۆا، ەستونەستەردەن)، ءبىراز ەۆروپا ۇلتتارىنان (چەحتاردان، ۆەنگرلەردەن، بولگارلاردان، شۆەيسارلاردان، اۆستريالاردان، ت.ب.) ءسوزسىز كوپپىز.
3. ايتايىن دەگەنىم، ءبىز ءبىر اۋىلداعى ۇلت ەمەسپىز. ۇلكەن ۇلت بولعان سوڭ ارامىزدا جوزەكشىلەر، ناشاقورلار، القاشتار، قىز تەكەلەر، ساتقىندار دا بولۋى مۇمكىن. ادامنىڭ تابيعاتى سونداي، باسقا ۇلتتار دا سولاي ءومىر ءسۇرىپ جاتىر ولمەي. ارامىزدا 1-2% سوندايلار بولسا دا جالپى ۇلتىمىز ودان توزبايدى. جالپى قىزدارىمىز دا، جاستارىمىز دا مىقتى، رۋحتى، نامىستى بولىپ قالا بەرەدى.
4. جاستارىمىز - ۇلتىمىزدىڭ بولاشاعى. جاستار، ياعني ۇلتىمىز، وسى ەلدە باقىتتى بولىپ ءومىر ءسۇرۋ ءۇشىن، باسقا ەلگە قاشىپ كەتپەس ءۇشىن جۇمىستى ىزدەپ، وزگەلەرمەن قوسىلماس ءۇشىن، جىگىتتەر ەر ازامات بولۋ ءۇشىن، ۇيگە، ەلگە تىرەك بولۋ ءۇشىن، قازاق مەملەكەتى جاستارعا مىقتى ءبىلىم، تۇراقتى جۇمىس، جىلى، ىڭعايلى باسپانانى بەرۋ كەرەك.
قورىتىندى، قىزدارىمىز دا، جالپى جاستارىمىز دا جامان ەمەس، جاقسى. ءبىراق ءبىز ولارعا دۇرىس شارت، ادىلەتتى مەملەكەت قالدىرۋعا مىندەتتىمىز. وندا نەمەرەلەرىمىز دە وسى ەلدە جاقسى ءومىر سۇرەدى.
