جۇڭگو كۇيەۋلەرگە قازاقتىڭ قىزدارىن ساۋدالايتىن اگەنتتىك جۇمىسى قازاق قوعامىن ءدۇر سىلكىنتتى. الەۋمەتتىك جەلىدە ءتۇرلى قارسىلىقتار جازىلىپ، ۇلت نامىسىن قورلاۋشىلارعا قوعامنىڭ تەپكىسى كورىنىپ جاتىر.

گۇلىسحان دومالاي قىزى تومەندەگىدەي اڭگىمەنى الەۋمەتتىك جەلىدە جازدى.

شاماسى 20 -30 جىلدىڭ الدى بولسا كەرەك، ءبىزدىڭ ءوسپىرىم كەزىمىز بولاتىن قحر ءۇرىمشى قالاسىنىڭ قالا باستىعى جاكەڭ اعامىز ءوز قىزىنىڭ جۇڭگو ازاماتقا كۇيەۋگە شىعامىن دەگەن ۇسىنىسىن ەستيدى. جۇڭگو جىگىت تە ۇلكەن شەنەۋنىكتىڭ بالاسى ەكەن. ءوز بالاسىن رايىنان قايتارا الماعان اكە توي كۇنىن بەلگىلەتەدى.

ەكى سەركەنىڭ تويىنا دۇنيەنىڭ ءتورت بۇرىشىنان كىلەڭ سورپا بەتىنە شىعار مىقتىلار جينالادى. توي باستالادى، بىردە جۇڭگو ۇلتىنىڭ داستۇرىمەن قىز بەن كۇيەۋ اتا-اناعا سالەم جاساۋ جوسىنىن وتەيدى جاكەڭ ورنىنان تۇرىپ ەكى جاسقا باتاسىن بەرىپ بەتىن سيپايدى، جاستار ارى بۇرىلا بەرگەندە قىز اكەسى قوينىنان تاپانشاسىن سۋىرىپ الىپ كوز ىلەسپەس تەزدىكپەن قىزىنىڭ وكپە تۇسىنان تارس ەتكىزەدى. ءدۇر ەتىپ ورنىنان كوتەرىلگەن جۇرتتا ەس قالمايدى جاس ءمايىت سۇلاپ جاتىر.

قىز اكەسى كوزىنەن سورعالاپ تۇرعان جاسىن ءداۋ الاقانىمەن اسىقپاي سيپاپ قويىپ: "قۇرمەتتى قاۋىم، بۇل مەنىڭ ءوز جانىمنان دا ارتىق كورەتىن قىزىم ەدى، ءبىراق ۇلتىمدى وداندا ارتىقتاۋ كورەمىن، بۇل نازىرگە جايىلعان داستارحان اۋىز ءتيىپ اسىقپاي قايتىڭدار، بۇل بارىڭە ساباق بولسىن. ەگەر بۇگىن وسىعان قولىم بارماسا، ەرتەڭ شىڭجاڭداعى 2 ميلليون قازاقتىڭ قىزىنا يە بولۋعا امالىم دا بولمايدى، دەپ شەرلى اكە ەسىكتەن شىعىپ كەتە بەرىپتى.

ءبىراق بۇگىن 17 ميلليون ازاماتى بار ءوز مەملەكەتىمىزدەن بىردە ءبىر سونداي اكەلەرمەن باسشىلار شىقپاي، 20 قىزدى قىتايعا بەرسەك، بۇدان ارتىق بۇل ەلدە قاسىرەت تە بولماس.