اقتوبەدە تاعى دا تەرروريستىك توپتىڭ مۇشەلەرى سوتتالدى دەپ حابارلايدى 31.kz. ەڭ سوراقىسى، ولاردىڭ قاتارىندا مەكتەپتى دە بىتىرمەگەن جاپ-جاس جەتكىنشەكتەر دە بار.   ولار  قۇقىق قورعاۋ ورگاندارى مەن رەسەي   حالقىنا قارسى قارۋلى دجيحات ۇيىمداستىرىپ، تەراكت جاساماقشى بولعان ەكەن.

قۇدايبەرگەنوۆ دەگەن لاڭكەستىك توپتىڭ باسشىسى ءوزىنىڭ جاقتاستارىن رەسەيدەگى حالىق كوپ شوعارلاناتىن تۇنگى كلۋبتار مەن ساۋدا ورتالىقتارىنا جارىلىس جاساۋعا شاقىرعان. سونىمەن بىرگە قۇدايبەرگەنوۆتىڭ سىبايلاسى ەسەنعۇلوۆ  ازاماتتاردىڭ ءدىني الاۋىزدىعىن قوزدىرۋ ماقساتىندا «ۆكونتاكتە» الەۋمەتتىك جەلىسىندە  جالعان اتپەن پاراقشا اشىپ،  قارۋلى دجيحاتقا شاقىراتىن جازبالارىن جاريالاپ وتىرعان. سول ارقىلى  جاڭا مۇشەلەردى تارتىپ، ولارمەن جالدامالى پاتەرلەردە كەزدەسىپ كەلگەن.

يليادا دوسوۆا، اقتوبە وبلىستىق سوتىنىڭ باسپا ءسوز قىزمەتىنىڭ باسشىسى:

- سوت ۇكىمىمەن سوتتالۋشىلارعا 6 جىلدان 9 جىلعا دەيىن مەرزىمگە باس بوستاندىعىنان ايىرۋ جازاسى تاعايىندالدى. سوت ۇكىمى زاڭدى كۇشىنە ەنگەن جوق.