كەشە، الەۋمەتتىك جەلىدە الەم چەمپيونى قۋات نايماننىڭ instagtam پاراقشاسىندا «ۋاقىتشا تىركەۋ» ماسەلەسىن سىناعان جازباسى قاتتى تالقىلاندى. ول جازباسىندا ق ر ازاماتتارىن تىركەۋ تۋرالى ەرەجەگە ءوز نارازىلىعىن ءبىلدىرىپ، ەلىمىزدەگى جۇمىسسىزدىق، قىسقارتۋلار، قىمباتشىلىقتى قاتاڭ سىنعا العان ەدى. وعان وراي قوعامدا قۋات نايمانعا القاۋلار جاۋىپ جاتتى. وقىرمان نازارىنا بەلگىلى ساياساتكەر جاسارال قۋانىشاليننىڭ «جارايسىڭ قۋات» اتتى جازباسىن ۇسىنامىز.

وسى ۋاقىتقا دەيىن قازاقستاننىڭ اتاقتى سپورتشىلارى، وكىنىشكە وراي، ولارعا بيلىك نە ىستە دەسە، سونى ىستەيتىن ەزدەر ەكەنىن كورسەتىپ كەلسە، ينشاللا، بۇگىن ولاردىڭ اراسىندا دا شىن مانىندە ەر جىگىت، ەركەك اتاعىنا لايىق ازامات بار ەكەنىن كورىپ، كوڭىلىم ءبىر مارقايىپ قالدى! 
ول ازامات - ءبىزدىڭ ەلىمىزدە حالىق مۇددەسىنىڭ اياق استىنا اياۋسىز تاپتالىپ جاتقانىن اشىق ايتقان جانە ديكتاتورلىق بيلىكتىڭ سول حالىقتى تىرپ ەتكىزبەي بۇعالىقتاپ ۇستاپ وتىرۋ ءۇشىن جاڭادان ويلاپ تاپقان سوراقى وزبىرلىعى - بارشامىزدى جاپپاي تىركەۋدەن وتۋگە ماجبۇرلەيتىن جابايى تالابىنا شامىرقانا قارسى شىققان ەرەجەسىز جەكپە-جەكتىڭ تانىمال جاۋىنگەرى قۋات (نايمان) حاميتوۆ. 
جارايسىڭ، اينالايىن قۋات! وسى بەتىڭنەن تايما! اللا تاعالا الدىڭنان جارىلقاسىن! ءاۋمين!