انگارسكتىڭ بۇرىنعى پوليسياسى 22 ايەلدى ولتىرگەنى ءۇشىن ءومىر بويى باس بوستاندىعىنان ايىرىلدى.

2015 جىلى 22 ايەلدى ءولتىرىپ، باسقا دا قىلمىستارىن مويىنداعان انگارسك قالاسىنىڭ تۇرعىنى ميحايل پوپكوۆتى يركۋتسك وبلىسىنىڭ سوتى قاماۋ مەرزىمىن ءتورت ايعا ۇزارتتى، دەپ حابارلايدى «ينتەرفاكس».

رەسەيدىڭ تەرگەۋ كوميتەتىنىڭ باسپا ءسوز قىزمەتى قازىرگى ۋاقىتتا پوپكوۆقا 47 كىسى ءولتىردى دەپ ايىپ تاعىلىپ وتىر. سوت زالىندا قاماۋدى ۇزارتۋ قارالىپ جاتقاندا، بەرىلگەن اقپارات اسا ماڭىزدى ىستەر بويىنشا تەرگەۋشى ەۆگەنيي كارچيەۆسكييگە بەرىلدى.

سالىستىرما ءۇشىن، كەڭەستىك قاندىقول قىلمىسكەر اندرەي چيكاتيلو 53 ادام ولتىرگەنى دالەلدەنگەن، ال ءوزى 56 ادام ولتىرگەنىن مويىنداعان.

سوت وتىرىسىنا قاتىسقان "ۆوستوچنو-سيبيرسكايا پراۆدا" يركۋتسك گازەتىنىڭ ءجۋرناليستى انگار مانياگى 60 كىسى ولتىرگەنىن مويىندادى دەپ حابارلايدى. ول بارلىق كىناسىن مويىنداپ كەلگەن، فاكتىلەردى دالەلدەۋ ءۇشىن تەرگەۋ قىزمەتكەرلەرىنە زيراتتاردى اشۋعا، ءمايىتتى ەكسگۋماسيالاپ، مەديسينالىق جانە باسقا دا ەكسپەرتيزالار جاسالدى.

«انگارسك ورتالىق ءاىىب پوليسيا ءبولىمىنىڭ بۇرىنعى جەدەل كەزەكشىسى، قىلمىسكەرلىكپەن قۇرەس جۇرگىزىپ جۇرگەن ىشكى ىستەر ورگاندارىنىڭ ارداگەرى بولعان قىلمىسكەر «ەشقانداي وكىنۋ بەلگىسىن» تانىتپاعان»، – دەپ جازادى يركۋتسك گازەتى.