وڭتۇستىكتە جەرگىلىكتى ءوزىن-وزى باسقارۋ زاڭىنىڭ شاراپاتىن كورسەك دەپ ۇمىتتەنىپ وتىرعان اۋىلدار بار دەپ جازادى otyrar.kz. سولاردىڭ ءبىرى — ماقتاارال اۋدانىنا قاراستى جىلى سۋ اۋىل وكرۋگى. مۇنداعى 14 مىڭنان استام حالىق جولدىڭ ازابىن تارتىپ وتىر. ال كارىم اتا اۋىلىندا جول بىلاي تۇرعاندا ءتىپتى ازىق-تۇلىك دۇكەنى دە، بالاباقشا دا جوق. وركەنيەتتەن تىس قالدىق دەپ اشىندى تۇرعىندار.

ماقتاارالدا وركەنيەتتەن تىس قالعان اۋىل بار

جەتىسايدان 20 شاقىرىم شىققاندا وركەنيەتتەن ماقۇرىم قالعان اۋىلدى كورەسىز. كارىم اتا دەپ اتالاتىن اۋىلدا ازىق-تۇلىك ساتاتىن دۇكەن دە، بالاباقشا دا جوق. وسى اۋىلدىڭ تۇرعىندارى — دۇيسەبەكوۆتەر قىرىق جىلدان بەرى تەگىس جولدى ارمانداپ كەلەدى. ەرلى-زايىپتى ەكەۋى دە ءىى توپ مۇگەدەگى. بالداققا سۇيەنگەن جارىم جاندار توزىعى جەتكەن جولدىڭ كەسىرىنەن دارىگەرگە كورىنە الماي وتىرمىز دەيدى. ءتىپتى جالداپ باراتىن جەڭىل كولىكتىڭ ءوزى باتپاق جولپەن قاتىنامايدى دەپ اشىنادى.

«كوپىرىمىز قۇلاپ جاتىر. مەكتەپكە قاتىنايتىن بالالار قۇلاپ كەتەدى مە دەپ ۋايىمدايمىز. كوشەنىڭ اتى بىلاي تۇرسىن، كوشەنىڭ ءوزى جوق ءبىزدىڭ اۋىلدا. قىستىڭ كۇنى مىنا بالداقپەن ۇيدەن شىعا المايمىز. ءتىپتى جەڭىل كولىك جالداپ شاقىرتايىن دەسەك، ولاردىڭ ءوزى مىنا ساز-باتپاقپەن جۇرمەيمىز دەيدى. قىرىق جىلدان بەرى قينالىپ كەلەمىز. نە ازىق-تۇلىك دۇكەنى جوق، نە بالاباقشا جوق. وركەنيەتتەن تىس قالىپ وتىرمىز» دەيدى اۋىل تۇرعىنى بازاركۇل دۇيسەبەكوۆا.

وزدەرىن كوشتەن قالىپ قويعان جۇرتتاي سەزىنەتىن اۋىل جۇرتى باسشىلاردىڭ ۋادە سوزىنە كەيىس بىلدىرەدى. شاعىمدارىن ايتىپ، سان مارتە سابىلىپ جاۋاپتىلارعا دا بارعان. ءبىراق بىردە-بىرەۋىنە ناقتى جاۋاپ بەرگەن باسشىلىق بولماپتى. ءتىپتى قوعامنان شىعارىپ تاستادى دەپ رەنجۋلى تۇرعىندار.

ماقتاارالدا وركەنيەتتەن تىس قالعان اۋىل بار

قۇرالبەك تۇرلىبايەۆ، اۋىل تۇرعىنى: «بۇل اۋىل تىپتەن ۇمىت قالعان. بىردە-بىر بيلىك وكىلدەرى كەلىپ، اۋىلدىڭ جاعدايىنان حابار المايدى. بالالارىم ءۇش شاقىرىم جەر باتپاق كەشىپ، مەكتەپكە جاياۋ قاتىنايدى. جىلىنا ءۇش-تورت رەت اياق-كيىم اۋىستىرامىز. جاۋىن جاۋسا مىنا كوشەلەرمەن جۇرە المايسىڭ. وسىنى نازارعا الىپ، بولماعاندا ءبىر اياق جول سالىپ بەرسە ەكەن بيلىك دەپ ارماندايمىز.»

ال جەرگىلىكتى اتقامىنەرلەرگە حالىقتىڭ ازابى جاقسى تانىس. ءتىپتى اۋدان اكىمىنىڭ ورىنباسارى وكرۋگكە قاراستى اۋىلداردا جىل بويى جاسالعان جۇمىستى جىپكە ءتىزىپ بەردى. ەندى كارىم اتا اۋىلىنىڭ پروبلەماسى شامالى ۋاقىتتىڭ ىشىندە شەشىلەدى دەپ سەندىرۋگە تىرىستى.