اقش-تىڭ سميرنا قالاسىنداعى تۇرمەدە جازاسىن وتەۋشىلەر شۋ شىعارىپ، 4 باقىلاۋشىنى تۇتقىنعا الدى دەپ حابارلايدى bbc.com. ونىڭ ەكەۋىن جىبەرگەن.
جازاسىن وتەۋشىنىڭ ءبىرى News Journal گازەتىنىڭ جۋرناليستەرىمەن بايلانىسقا شىققان. مۇنداي شۋ شىعارۋىنىڭ سەبەبى اقش پرەزيدەنتى دونالد ترامپ ەكەنىن ايتقان جانە جاقىندا بارلىعى جامان جاققا وزگەرەتىنىن بىلەتىنىن جەتكىزگەن.
جازاسىن وتەۋشىلەردىڭ ءبىرىنىڭ قالىڭدىعى مەن كوررەسپوندەنت بولىپ جۇمىس ىستەيتىن اناسى ارقىلى جۋرناليستەرمەن بايلانىسقان.
جۋرناليستەرگە تۇرمەدەگى جاعدايدى جاقسارتۋىن تالاپ ەتىپ وتىرعانىن ايتقان. ءبىلىم بەرەتىن باعدارلامالار جاساۋىن تالاپ ەتىپ، تۇرمەگە قانشا قارجى بولىنەتىن ءبىلۋ جولدارىن سۇرادى.
سميرنا تۇرمەسىنە ونداعان پوليسەي كەلدى. بوساتىلعان ەكى تۇتقىننىڭ ءبىرى ومىرىنە ءقاۋىپ تونبەيتىندەي وقپەن جارالانعان. قالعان تۇتقىننىڭ جاعدايى بەلگىسىز. ءقازىر جازاسىن وتەۋشىلەرمەن كەلىسسوز جۇرگىزىلىپ جاتىر.
سميرناداعى تۇرمە دەلاۆەر شتاتىنداعى ەرلەرگە ارنالعان ەڭ ءىرى تۇزەتۋ مەكەمەلەرىنىڭ ءبىرى. وندا ءولىم جازاسىنا كەسىلگەندەردىڭ كامەراسى بولعان. سونىمەن قاتار وندا ولىمگە كەسۋ ۇكىمدەرىن ورىنداپ وتىرعان.
