اتىراۋدا پروكۋروردىڭ بۇرىنعى كومەكشىسىنە ءوز-وزىن ورتەۋ ارەكەتىنەن كەيىن بۇلتارتپاۋ شاراسى قاتاڭداتىلدى دەپ حابارلايدى tengrinews.kz.

وبلىستىق سوتتىڭ باسپا ءسوز قىزمەتى مەملەكەتتىك ايىپتاۋشىنىڭ شاعىمى بويىنشا ءوز-وزىن ورتەۋگە تىرىسقان ايەلدىڭ ەكى ايعا قاماۋعا الىنعانىن حابارلادى.

قازىرگى ۋاقىتتا ايەل اۋرۋحانادا. سوندىقتان سوت وتىرىسىنا قاتىسپادى. "ال ۇكىم جىلدام ورىندالۋعا ءتيىس بولعاندىقتان، ايىپتالۋشى ارنايى پالاتاعا اۋىستىرىلىپ، كۇزەتكە الىنادى"، - دەيدى ۆەدومستۆو وكىلدەرى.

ەسكە سالايىق، اتىراۋ وبلىسى پروكۋرورىنىڭ بۇرىنعى كومەكشىسى 2016 جىلدىڭ تامىزىنان بەرى ءۇي قاماۋىندا بولعان ەدى. ول ۇستالعانداردىڭ، قاماۋعا الىنعانداردىڭ جانە قىلمىستىق جازا وتەپ جاتقانداردىڭ قۇقىقتارىن ساقتاۋ سالاسىندا جۇمىس ىستەگەن. ول ق ر قىلمىستىق كودەكسىنىڭ 366-بابىندا ("پارا الۋ") قاراستىرىلعان قىلمىس جاسادى دەگەن كۇدىككە ىلىنگەن. سمادياروۆا وزىنە تاعىلعان ايىپتارمەن كەلىسپەي، جالا جابىلدى دەگەن ەدى.

كەيىن، 31 قاڭتاردا دەنەسىن كۇيىك شالعان 37 جاستاعى سامدياروۆا اۋىر جاعدايدا وبلىستىق اۋرۋحاناعا جەتكىزىلگەن بولاتىن.