بۇگىن اقوردادا وتكەن ق ر ۇكىمەتىنىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ەلىمىزدىڭ قارجى ءمينيسترى باقىت سۇلتانوۆتىڭ قىزمەتىنە كوڭىلى تولمايتىندىعىن اشىق ايتتى، دەپ حابارلايدى قازاقپارات.
ەلباسى ءوز سوزىندە بۇگىندە قازاقستاننىڭ دامۋ بانكىن باسقارىپ وتىرعان بولات جامىشيەۆ ەلىمىزدىڭ قارجى ءمينيسترى لاۋازىمىن لايىقتى اتقارا الۋى مۇمكىن ەكەندىگىن اتاپ ءوتتى.
«ەگەردە بىزدە دۇرىس قارجى ءمينيسترى، قازىناشى بولسا، وندا ول ءاربىر تيىندى قاداعالاپ وتىرار ەدى. ال سەن بەرە بەرەسىڭ. مەملەكەت قازىناسى ساعان سەنىپ تاپسىرىلدى. سەن مەنىڭ قازىنانى قاداعالايتىن جەكە وكىلىمسىڭ»، - دەدى ەلباسى قارجى ءمينيسترى ب.سۇلتانوۆقا قاراتا.
سونىمەن قاتار ن.نازاربايەۆ قارجى ءمينيسترى مەملەكەت قارجىسىن تىڭعىلىقتى قاداعالاۋى كەرەكتىگىن باسا ايتتى.
«ەڭ دۇرىسى جامىشيەۆتى قويۋ كەرەك شىعار. ەشكىممەن سويلەسپەيتىن بولادى. مۇمكىن بىرەۋلەرگە ۇنامايتىن شىعار، ماعان دا كەيدە ۇناماي قالادى. ءبىراق، ول جەتەك سياقتى تىك، بۇل انىق. مەملەكەتتىڭ مۇددەسىن دە قورعايدى»، - دەدى ق ر پرەزيدەنتى.
بيىلعى جولداۋ اياسىندا قويىلعان مىندەتتەر جايىندا ايتا وتىرىپ، نۇرسۇلتان نازاربايەۆ مينيسترلەر كابينەتىنە بىرنەشە تاپسىرما بەردى. سونىڭ ىشىندە پرەزيدەنت بارلىعىنا بيۋدجەتتى ۇنەمدەۋگە شاقىردى.
"الماتىدا ۋنيۆەرسيادا ءوتىپ جاتىر. "بۇل ەڭ ارزان ۋنيۆەرسيادا بولدى"، – دەيدى حالىقارالىق ۋنيۆەرسيادا جەتەكشىسى. ويتكەنى ءبىز ۇنەمدەۋدىڭ بارلىق مۇمكىندىكتەرىن يگەردىك"، - دەدى پرەزيدەنت كولەمدى شارالاردى قارجى ۇنەمدەي وتىرىپ وتكىزۋگە بولاتىنىنا مىسال كەلتىرىپ.
«ءبىز بارلىعىمىز مەملەكەتتىك قىزمەتكەرمىز، حالىققا، ەلگە قىزمەت ەتۋىمىز كەرەك. وندا قىزمەت ەتەيىك - مەملەكەتتىڭ ءار تيىنىن ۇنەمدەپ جۇمسايىق. مۇنىمەن نەگە مەن عانا اينالىسۋىم كەرەك؟ بيۋدجەت سىزدەرگە بەرىلدى مە، قالاي ۇنەمدەۋ كەرەكتىگىن سىزدەر ويلانۋلارىڭىز كەرەك»، –دەدى ەلباسى.
"مەن ساعان مەملەكەتتىك قارجىنى دۇرىس پايدالانۋ تۋرالى ءبىر رەت ايتقانمىن. ەندى ەكىنشى رەت ەسكەرتۋ ايتىپ وتىرمىن. ءۇشىنشى رەت ەسكەرتۋ ايتىلسا، جاعدايىڭ مۇشكىل بولۋى مۇمكىن"، – دەدى نۇرسۇلتان نازاربايەۆ.
