رەسەي پرەزيدەنتى ۆلاديمير پۋتين جالعان اقپارات تاراتىپ، وتە ماڭىزدى ينفراقۇرىلىمعا حاكەرلىك شابۋىل ۇيىمداستىرىپ باتىستى السىرەتپەك ويى بار دەپ مالىمدەدى ۇلىبريتانيانىڭ قورعانىس ءمينيسترى سەر مايكل فەللون دەپ حابارلايدى Reuters. ونىڭ سوزىنشە پۋتين بۇرىندارى كسرو ۇستانعان باتىسپەن ستراتەگيالىق باسەكەلەستىك جولىن تاڭدادى دەيدى مايكل فەللون. وسىعان بايلانىستى ناتو رەسەيدى تەجەۋ كەرەك دەگەن ويدا.

«ناتو مەن باتىس ەلدەرى كەڭەستىك نەگىزدە قۇرىلعان قازىرگى زاماننىڭ جالعان شىندىعىمەن بارىنشا كۇرەسۋىمىز كەرەك. ەۋرواتلانتتىق وركەنيەت پۋتيندىك «شىندىققا» قارسى تۇرۋى قاجەت» دەيدى فەللون.

بۇدان بۇرىن ول رەسەيلىك «ادميرال كۋزنەسوۆ» ۇشاق تاسىعىشىن «ماسقارا كەمە» دەپ اتاعان. اقش، بريتانيا جانە فرانسيا ەلدەرىنىڭ ويىنشا رەسەي سيريادا اسكەري قىلمىس جاساپ جاتىر.

«ءبىز سيريالىق حالىقتىڭ قيىنشىلىعىن سوزعاننان باسقا ەشتەڭە بىتىرمەيتىن «ادميرال كۋزنەسوۆتى» قاتاڭ باقىلاپ وتىرمىز» دەدى قورعانىس ءمينيسترى.  

ماسكەۋگە قاتىستى ايىپتاۋلار اقش-تىڭ بۇۇ-عى ءتۇراقتى وكىلى نيككي حەيليدىڭ ۋكرايناداعى جاعداي ءۇشىن رەسەيدى قاتاڭ سىناعان بايانداماسىنان كەيىن ايتىلدى.