بۇل تۋرالى كەڭەيتىلگەن ۇكىمەت وتىرىسىندا ق ر ينۆەستيسيا مەن دامۋ ءمينيسترى جەڭىس قاسىمبەكوۆ مالىمدەدى دەپ حابارلايدى kursiv.kz. .

جەڭىس قاسىمبەكوۆتىڭ سوزىنشە ترانسپورت سالاسىنداعى فيزيكالىق ولشەم 103،8% قۇرادى. ال قازاقستاننىڭ لوگيستيكاسىنىڭ تيىمدىلىگىن ساراپقا سالاتىن  حالىقارالىق رەيتينگتە ەلىمىز 88ء-شى ورىننان 77ء-شى ورىنعا كوتەرىلدى. وسىلايشا تمد ەلدەرىنىڭ اراسىندا ەڭ ۇزدىگى اتاندى.

«ەۋروپا وداعى ەلدەرىنە ۇشۋعا بارلىق شەكتەۋلەر الىنىپ تاستالدى. استانا قالاسىندا ەكسپو-2017-گە كەلەتىن تۋريستەرگە قىزمەت كورسەتەتىن اۋە رەيستەرىن كوبەيتەتىن «اشىق اسپان» جوباسىن ىسكە اسىرۋ جوسپاردا بار» دەدى مينيستر.

ق ر ينۆەستيسيا مەن دامۋ مينيسترلىگىنىڭ مالىمەتىنشە، «نۇرلى جول» باعدارلاماسىنىڭ اياسىندا رەسپۋبليكالىق ماڭىزى بار 913 شاقىرىم جول اشىق. بۇل جوسپارلاردى ىسكە اسىرۋعا 75 مىڭ ادام تارتىلادى. وسى جىلى 4،4 مىڭ شاقىرىم جەردە جۇمىستار اتقارىلادى. وعان 100 مىڭ جۇمىس كۇشىن تارتۋ جوسپاردا بار.

ءمينيستردىڭ سوزىنشە جىلدىڭ اياعىنا دەيىن 600 شاقىرىم جەر اشىق بولادى. 2020 جىلعا قاراي 6 مىڭ جولدى اقىلى قىلۋ جوسپاردا بار. ونىڭ 700 شاقىرىمى 2017 جىلى بىتەدى.