تانىمال ءانشى ۆيتاس قازاق تىلىندە قازاقستان جۇرتىنا لەبىزىن جەتكىزدى. ول ينستاگرام پاراقشاسىندا بىلاي دەپ جازدى. 

ەستەرىڭىزگە سالا كەتەيىك، ۆيتاس ءوز ءانىن ورىنداعان ديماش قۇدايبەرگەننىڭ ۇستىنەن ارىزدانعان بولاتىن.  ۆيتاس ديماشتىڭ «وپەرا-2» ءانىن ورىنداۋىنا بايلانىستى Watson&Band ادۆوكاتتار القاسىنا شاعىمدانىپ، ارىزدا ديماش قۇدايبەرگەننىڭ بۇدان كەيىن كەز كەلگەن ساحنادا، كەز كەلگەن كونسەرتتە ۆيتاستىڭ بىردە-بىر ءانىن ورىنداماۋى تالاپ ەتىلگەن.
 

الايدا، اۆتورلىق قۇقىقتار جونىندەگى ساراپشى تەمىرلان تولەگەنوۆ بولسا ۆيتاس ءوز اندەرىنىڭ بايقاۋلاردا ورىندالۋىنا تىيىم سالا المايدى دەگەن پىكىردى ايتقان. "ادەتتە كونكۋرستاردا مۇنداي تىيىمنىڭ كۇشى جوق. سوندىقتان كونكۋرستاردا كەز كەلگەن ءاندى ورىنداي بەرۋگە بولادى. الايدا مۇنداعى ماسەلە قۇقىقتى كىمنىڭ قورعايتىنىندا بولىپ وتىر. ماسەلەن، بەلگىلى ءبىر فيلم تۇسىرگىڭىز كەلدى دەلىك. وعان اۋەن تاڭداعاندا اۆتورىنان رۇقسات سۇراپ، سىياقىسىن تولەيسىز - بۇل اۆتورلىق قۇقىقتىڭ ساقتالۋى. وعان بەلگىلى مۋزىكانىڭ جارنامادا قولدانىلۋى دا جاتادى. ادەتتە، مەنىڭ بىلۋىمشە، SuperStar.kz سياقتى بايقاۋلاردا ليسەنزيالارىنا سايكەس، نە مۋزىكالىق باسپالارمەن، نە اۆتورلىق ۇيىمدارمەن كەلىسىم جاسالادى. وسى مۋزىكالىق ماتەريال قۇقىق يەلەرىنە تولەم جاسالعاننان كەيىن بەرىلۋى قاجەت. سوندىقتان، مەنىڭ بىلۋىمشە، بۇل كونكۋرستاردىڭ قاراپايىم پروسەدۋراسى"، - دەيدى تولەگەنوۆ.