ەۋرو وداق ۋكراينانى قولداۋ ماقساتىندا بىرنەشە ءىس اتقارماق. ول ارقىلى ۋكراينا ءوز قاۋىپسىزدىگىن قامتاماسىز ەتە الادى. بۇل تۋرالى بۇرىنعى كسرو قۇرامىنداعى ەلدەردەگى USAID جوبالارىنىڭ بۇرىنعى ۇيلەستىرۋشىسى دجوش كوەن مالىمدەدى دەپ حابارلايدى replyua.net.
كوەننىڭ سوزىنشە ەۋروپالىق ۇيىم ۋكراينا تۇراقتىلىعى ءۇشىن 4 قادام جاساي الادى. ساراپشىنىڭ ويىنشا ەڭ ءبىرىنشى قادام ۋكرايناعا ۆيزاسىز رەجيمدى ورناتۋ. ۋكراينا ازاماتتارى ەو سەنىم ارتىپ، ۋادە ەتكەن ىستەرىن اتقارىپ جاتقانىن ءبىلۋى كەرەك. سونىمەن قاتار، كوەننىڭ ويىنشا ەو ۋكراينادا جەمقورلىققا قارسى رەفورما جاساۋعا قارجى قاراستىرعانى ابزال. اتالمىش رەفورما قانشالىقتى تەز جاسالىنسا، ۋكراينا سونداي جىلدامدىقپەن تۇراقتى ەلگە اينالادى.
«رەسەيلىك اگرەسسيا ۋكراينا ۇكىمەتىنىڭ كاپيتالىنا زاردابىن تيگىزدى. سوندىقتان ءتورتىنشى قادام ەۋروپالىق كرەديتتىك اگەنتتىكتەردىڭ ەكسپورتى بولۋى كەرەك. ول ءوز كومپانيالارى ارقىلى ۋكرايناداعى ينۆەستيسيالاردىڭ قاۋىپسىزدىگىنە كەپىل بولادى» دەيدى كوەن.
