دۇيسەنبى كۇنى، تاياۋ شىعىس ب ا ق بەتتەرىندە كورسەتىلگەندەي، ساۋد ارابياسىنىڭ استاناسى ەر-ريادقا راكەتالىق سوققى بەردى، دەپ حابارلايدى vestikavkaza.ru، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.
شابۋىلدى «جەر-جەر» دەپ اتالاتىن بالليستيكالىق راكەتا كلاسسى جاساعان. يەمەن جىبەرگەن راكەتالىق قارۋ ەر-ريادتىڭ باتىسىندا ورنالاسقان مازاحيميا اسكەري بازاسىنا بارىپ تۇسكەن. شابۋىلشىلاردىڭ ايتۋىنشا، سوققى وتە ءساتتى تۇردە جاسالعان. الايدا، قۇربان بولعاندار مەن قيراتىلعان جەرلەر جايلى ەشبىر اقپارات جوق.
يەمەن ب ا ق وكىلدەرىنىڭ حابارلاۋىنشا، ساۋد ارابياسىنىڭ استاناسىندا توتەنشە جاعداي بولعاندىعىن جاريالاعان، ال بيلىكتەگىلەر بۇل اپاتتىڭ سالدارىن مەتەوريت قۇلادى نەمەسە جەر سىلكىنىسىنەن بولدى دەپ كورسەتپەك ەكەن.
ينتەرنەت جەلىسىندە ەر-ريادقا جىبەرىلگەن راكەتالىق سوققىنىڭ ۆيدەوسى تارالعان. دەگەنمەن، بۇل كادرلار ەشبىر دايەك كەلتىرە المايتىندىعىن ايتا كەتكەن ءجون.
