مۇسىلمانداردىڭ قاسيەتتى قالاسى مەككەدەگى قاعبانى ورتەۋگە ۇمتىلعان ادام ۇستالدى، دەپ حابارلايدى 31 ارنا.
ءال-حارام مەشىتىندە ءدال ءقازىر ۋمرا قاجىلىعىن وتەۋشىلەر بار. كيەلى قارا تاسقا وت قويماقشى بولعان ادام قاجىلاردىڭ ءبىرى رەتىندە مەشىت ىشىنە كىرمەك بولعان. بۇل تۋرالى ساۋد ارابياسىندا ءبىلىم الىپ جۇرگەن قازاقستاندىق اكبار يسمايلوۆ اتتى ستۋدەنت ءوز پاراقشاسىندا جاريالادى.
قاجىلار قاعبانى اينالا ءتاۋاپ جاساپ جۇرگەندە ءتارتىپ ساقشىلارىنىڭ ءبىرى قولىندا كۇدىكتى بوتەلكەسى بار ادامدى بايقاپ قالعان. بوتەلكەدەگى سۇيىقتىق بەنزين ەكەنى بەلگىلى بولعان. قاسكويدىڭ يەمەندىك ەكەنى ايتىلۋدا. قولعا تۇسكەن ادامدى ءبىر توپ ساقشى سىرتقا الىپ كەتتى. قاعباعا وت قويماق بولعان حۋسييتتىك شييت بولۋى مۇمكىن دەيدى العاشقى اقپارلار.
