سەمەي اكىمى مەن قالا تۇرعىندارىنىڭ كەزدەسۋىنە شقو اكىمى دانيال احمەتوۆ قاتىستى. وندا «التاي» فۋتبول كلۋبىنىڭ پرەمەر-ليگادان شۋمەن شىعىپ قالعانى ءسوز بولدى دەپ حابارلايدى arnapress.kz.

ەستەرىڭىزگە سالا كەتەيىك، قازاقستان فۋتبول فەدەراسياسىنىڭ اتقارۋشى كوميتەتى كلۋبتىڭ سەرتيفيكاتتاۋ تالاپتارىن ساقتاماعانى ءۇشىن وسىنداي شەشىم قابىلداعان. وعان ساي «التاي» كلۋبىندا بالالار، جاس جەتكىنشەكتەر جانە جاستار فۋتبول توپتارى بولۋ كەرەك.  سونىمەن قاتار، پرەمەر-ليگانىڭ بارلىق كلۋبتارىنىڭ ەكىنشى ليگادا جاستار كومانداسى بولۋ قاجەت.

«التاي» جانكۇيەرى سەرىكباي الىبەكوۆ اكىمدى اتالمىش كلۋبتى پرەمەر-ليگاعا قايتا ورالۋىنا شارالار قولدانۋدى سۇرادى.

ايماق باسشىسى مۇنداي وتىنىشكە «التاي» كلۋبىنىڭ ىشىندەگى جاعدايدا ەڭ الدىمەن ءتۇسىنۋدى سۇرادى.

«وتكەن جىلى ءبىز كلۋبتى بىرىكتىردىك. جاقسى قارجىلاندىردىق. جوعارى دارەجەلى جاتتىقتىرۋشىنى شاقىردىق. ءبىراق قارجى ماسەلەسىن تەكسەرۋ بارىسىندا قىزىق دەرەكتەردى كوردىك. ءبىز مەملەكەتتىك قارجىنىڭ قايدا كەتكەنىن بىلمەيمىز. تولەم جۇرگىزۋ قۇرىلىمى ءبىز ءۇشىن تۇسىنىكسىز. ءبىر سوزبەن ايتقاندا مەملەكەت قاراجاتىن قالاي بولسا سولاي پايدالانعان. بۇگىن بەلگىسىز سەبەپتەرگە بايلانىستى، سپورت باسشىلارىنىڭ كەلىسىمىنسىز جاتتىقتىرۋشىلار اۋىسادى، كلۋبتى كىم باسقارىپ وتىرعانى بەلگىسىز. ەگەر مەن بارلىعىن قازبالاي باستاسام بۇل مۇلدە باسقا ىسپەن اياقتالادى. قازاقستاننىڭ بىرنەشە كلۋبتارىنىڭ باسشىلارى باسقا جەردە ەكەنىن بىلەمىز. «التاي» فۋتبول كلۋبىمەن دە ءدال وسىنداي جاعداي قايتالانعانىن قالاماس ەدىم. مەن فۋتبول جانكۇيەرلەرىن تەك فۋتبولدى جاقسى كورىپ قانا قويماي،وعان ادال، شىنشىل فۋتبول سۇيەر قاۋىمدى تارتۋعا شاقىرامىن» دەدى دانيال احمەتوۆ.