بىرنەشە ادام كوز جۇمعان Almaty Towers-تەگى ورتكە قاتىستى تەرگەۋ امالدارى اياقتالدى. قايتىس بولعانداردىڭ تۋىستارى  تەرگەۋ ناتيجەسىمەن كەلىسپەي وتىر. ولاردىڭ ويىنشا كىنالىلەردىڭ بارلىعى جاۋاپقا تارتىلمادى دەپ حابارلايدى zakon.kz.

ءورت كەزىندە كوز جۇمعان ءۇش ازاماتتىڭ تۋىستارىنىڭ ادۆوكاتى ەرلان بەكپولوۆ تەرگەۋ ورگاندارى تولىق جانە ءادىل تەكسەرۋ جۇمىستارىن جۇرگىزۋگە ۋادە بەرگەنىن ايتادى.
 

جاقىندا عانا ىسكە ارالاسقان ادۆوكات، بولعان وقيعادان كەيىن  Almaty Towers اكىمشىلگى قاجەتتى ءورت ءسوندىرۋ جۇيەلەرى بىردەن ىسكە قوسىلعانىن جانە بارلىق ءورت قاۋىپسىزدىك جۇيەسى جۇمىس ىستەگەنىن ايتقانىن ەسكە الدى. الايدا اكىمشىلىكتىڭ ءسوزىن جوققا شىعاراتىن ۆيدەو تابىلدى.

 ەرلان بەكپولوۆ ءورت بولعان كۇنى تۇسىرىلگەن ۆيدەونى جاريالادى. بەلگىلى بولعانداي بولاشاق باتۋت ورتالىعىندا جۇمىس ىستەيتىندەرگە ارنايى ترەنينگ وتكەن. ول بەينە كامەراعا تۇسىرىلگەن. سوندىقتان ءورت  كامەراعا ءتۇسىپ قالعان. ودان ءورت ءسوندىرۋ جۇيەسى دە، دابىل قاعۋ جۇيەسى دە ىسكە قوسىلماعانى كورە الاسىزدار. سول سەبەپتى ونداعى ادامدار ءقاۋىپتى سەزبەستەن جايباراقات عيماراتتا جۇرگەن.

«بۇل ۆيدەو تجد ءورت قاۋىپسىزدىگى جۇيەسى ىسكە قوسىلعانى تۋرالى اقپاراتىن جوققا شىعارىپ وتىر» دەيدى ادۆوكات.

تەرگەۋدىڭ مالىمەتىنشە 5 ستۋدەنت پەن ەر ادامنىڭ  ولىمىنە تەك باتۋتتى ورتالىقتىڭ ديرەكتورى تۇياقوۆ كىنالى بولىپ وتىرعانىن ەسكە الدى ادۆوكات.  

«ەگەر بارلىعىن انىقتاپ قارايتىن بولساق، عيماراتتى جالعا الىپ وتىرعاندار مەن دتج جۇمىسشىلارىنا كوپ سۇراقتار تۋىندايدى. سەبەبى ولار بارلىعىن تەكسەرىپ، ءوز باقىلاۋىندا ۇستاۋ كەرەك ەدى» دەدى بەكبولوۆ.

بۇل سۇراقتاردى ادۆوكات تەرگەۋگە جەتكىزگىسى كەلەدى. ءىس ماتەريالىمەن ول ءالى تانىسپادى. سوندىقتان ءقازىر تەكسەرۋ جۇمىستارى قانشالىقتى تولىق جۇرگىزىلگەنى بەيمالىم  جانە تەرگەۋ ورگاندارىندا ادۆوكات ۇسىنىپ وتىرعان بەينەماتەريال بار، جوعى بەلگىسىز.

ءورت بولعان ۋاقىتتان بىرنەشە كۇن وتكەننەن كەيىن تۇسىرىلگەن ۆيدەودا كوز جۇمعان جىگىتتەردىڭ وفيستەگى باسپالداقپەن شىعۋعا تالپىنىپ جاتقانىن كورۋگە بولادى. ياعني بۇرىن ايتىلعانداي اپاتتى شىعۋ ەسىگى باسقا جاعىنان قۇلىپتالعان. ەگەر ءبىر ەسىكتى اشقاننىڭ وزىندە، ەكىنشىسى ەسىك ارقىلى ستۋدەنتتەر شىعا الماس ەدى.

وسى جايتتاردى ەسكەرە وتىرا قايتىس بولعانداردىڭ تۋىستارىنىڭ ادۆوكاتىندا كومپانيا باسشىلىعىنا، عيماراتتى جالعا العاندار مەن عيماراتتىڭ اكىمشىلىگىنە  كوپتەگەن سۇراقتارى بار. ولاردىڭ ەشقايسىسى جاۋاپكەرشىلىككە تارتىلمادى.

«كىنالىلەردى جازالاۋ ءۇشىن تولىق جانە ءادىل تەكسەرۋ جۇمىستارىن جۇرگىزۋ كەرەك. قۇتقارىلعان ادامدار پوليسەيلەر مەن ءورت سوندىرۋشىلەرگە جوعارىدا ادامدار بار ەكەنىن ايتقان. كوز جۇمعانداردىڭ وزدەرى تەلەفون شالىپ، ولاردى قۇتقارۋىن سۇراعان. ءورت سوندىرۋشىلەرگە سۇراق: نەلىكتەن ولار جوعارىعا بارىپ، ەسىكتى سىندىرىپ، جىگىتتەردىڭ شىعۋىنا كومەكتەسپەدى؟ بىرنەشە ادامدى جازالاۋ كەرەك. عيمارات اكىمشىلىگىن، تەكسەرۋ جۇرگىزۋى قاجەت تج دەپارتامەنتىن جاۋاپقا تارتۋ كەرەك. بۇل جەردە كوپ ادامنىڭ كىناسى بار. ءبىز ادىلدىك ورناعانىن قالايمىز» دەيدى ادۆوكات.

كوز جۇمعانداردىڭ تۋىستارى باسقا دا كۋاگەرلەردى ىزدەستىرىپ جاتىر.