وسىدان ءبىراز جىل بۇرىن اقپاراتتىق كەڭىستىكتە  «ينديگو بالالار» دەگەن تەرمين پايدا بولعان بولاتىن. ينديگو بالالار  ەشكىمگە ۇقسامايتىن كوك ءتۇستى اۋرا شاشىپ تۇرادى جانە ونى تەك قانا ەكستراسەنسورلىق قابىلەتى بار ادامادار عانا كورە الاتىن كورىنەدى.

  ينديگو بالالاردىڭ نەمەسە ۆۋندەركيند بالالاردىڭ وزگەلەرگە ۇقسامايتىن ەرەكشەلىگى – مىنەز-قۇلىقتارى اۋىرلاۋ، ءتىل المايتىن، رەنجىگىش بولىپ كەلەدى ەكەن،  ءبىراق وسىعان قاراماستان كەرەمەت تالانتقا يە.

شىن مانىندە سولاي ما؟

شىندىعىنا كەلگەندە، دۇنيەگە كەلگەن كەز-كەلگەن بالا «ينديگو» بولىپ تابىلادى. ءاربىر بالانىڭ تالانتتى بولىپ جەتىلۋىنە مۇمكىندىك  بار. ياعني، ءبارى بىردەي مۇمكىندىككە يە.

پسيحولوگتاردىڭ ايتۋىنشا، ينديگو نەمەسە ۆۋندەركيند بالالار تۋىلا سالا، وسى قاسيەتتەرگە يە ەكەندىگىن كورسەتۋگە مۇمكىندىكتەرى جوق. وسى تالانتتى، پوتەنسيالدى اشۋدا اتا-انا ءرولى ۇلكەن ماڭىزعا يە.

الەمدەگى تانىمال ۆۋندەركيند بالالار قاتارىنا توقتالاتىن بولساق:

اكريت پران ياسۆال ينديا تۇرعىنى. 8 جاسىندا العاشقى حيرۋرگيالىق وپەراسيا جاساعان. 12 جاسىندا مەديسينالىق ۋنيۆەرسيتەتكە تۇسكەن. بۇگىنگى كۇنى ول قاتەرلى ىسىكتىڭ ەمىن ىزدەۋ جۇمىستارىن جۇرگىزۋدە.

ميكاەلا يرەن فۋدوليگ فيلليپين ۋنيۆەرسيتەتىنە 11 جاسىندا ءتۇسىپ،16 جاسىندا ونى اياقتاعان. قازىرگى كەزدە ەكونوفيزيكا عىلىمى اياسىندا سول ۋنيۆەرسيتەتتىڭ پروفەسسورى بولىپ قىزمەت اتقارادى.

مارك تيان بوەديحاردجو گونكونگتا دۇنيەگە كەلگەن. 9 جاسىندا گونكونگ ۋنيۆەرسيتەتىنە تۇسكەن. قازىرگى ۋاقىتتا 2 ديپلوم يەگەرى. ماتەماتيكا فيلوسوفياسى اياسىندا باكالاۆر مەن ماگيسترانت دەڭگەيى مەن قوسا اقش-تا ءبىلىمىن جەتىلدىرىپ جاتىر. 

بالانى كىشكەنە كەزىنەن باستاپ، ويىن تۇرىندە  بىلىمگە، عىلىمعا قىزىعۋشىلىعىن اشۋ كەرەك. سەبەبى بالا بويىندا ءوزى سەزبەيتىن، اتا-اناعا دا بەيمالىم پوتەنسيال بار.

عىلىمعا، بىلىمگە ۇيرەتۋ كەرەك دەگەن ءسوز بالانى ۇستەل ۇستىنە وتىرعىزىپ قويىپ، قيناپ وقىتۋ دەگەن ءسوز ەمەس. ارىپتەردى كورسەتىپ ۇيرەتۋدەن باستاپ، بۋىنعا كوشۋ، ۆيزۋالدى ەففەكت بولۋ ءۇشىن سۋرەتتەر ارقىلى تاماق ۇستىندە بولسىن، بوس ۋاقىتتا بولسىن  بالاعا اسەر ەتۋ.

بالا ۋاقىت وتە كەلە، سۋرەتتەرگە، اينالادا بولىپ جاتقان وقيعالارعا ءوزى قىزىعۋشىلىق تانىتا باستايدى. ءدال سول كەزدە اتا-انا تاراپىنان قولداۋ مەن شىدام تالاپ ەتىلەدى.

«مىناۋ نە؟ اناۋ نە؟ نەگە ول ولاي؟  نە ءۇشىن؟» دەگەن سەكىلدى ستاندارتتى «باس اۋىرتارلىق» سۇراقتار تۋىندايتىن كەزەڭدە بالاعا اسىقپاي، ءبارىن دۇرىس ءتۇسىندىرۋ كەرەك. جاس بالا ميى- زەرەك، اشىق، بارلىق ماتەريالدى بىردەن قابىلدايتىندىقتان سۇراعىنىڭ جاۋابىن ناقتى ءارى شىنايى تۇردە ءتۇسىندىرۋ كەرەك.

تالانتتى ەمەس بالالار جوق. بالانى قيناماڭىز، ءوز ەركىنسىز وقىتىپ زورلاماڭىز. قىزىقتىرا ءبىلىڭىز، بالاعا ءوزىن-وزىن جەتىلدىرە الاتىن ورتا جاساڭىز.

ءار ادام- ينديۆيد. بالاڭىزعا ەرىك بەرىك، وزىنە شەشىم قابىلداتىپ ۇيرەنىڭىز.

تىڭداپ، كوڭىل ءبولىڭىز. «ونى ساعان بىلۋگە ەرتە» دەگەن سياقتى كوزقاراستاردان اۋلاق بولىڭىز.

تەلەديدار، كومپيۋتەر ويىندارىن مۇمكىندىگىنشە قولداندىرماۋعا تىرىسىڭىز. بالا پسيحولوگياسى بۇزىلاتىن نارسەلەردى كورسەتۋدەن اۋلاق بولىڭىز.

ەڭ باستىسى، كەز-كەلگەن دەنى ساۋ بالا ۆۋندەركيند بولىپ جەتىلەدى، سونداي بولىپ جەتىلۋى ءتيىس ەكەندىگىن ۇمىتپاۋ كەرەك. وعان تەك ازداعان شارتتاردى ورىنداساڭىز بولعانى.

نازەركە مۇسا