ءۇندىستان الەمدەگى ەڭ ادەمى ەلدەردىڭ ءبىرى بولىپ سانالادى. اتالمىش ەلدىڭ ءداستۇرىن، مادەنيەتىن، تاريحىن الەم بىلسە دە ءالى كۇنگە دەيىن سىرى اشىلماعان تۇستارى بار. Qamshy.kz ءۇندىستان تۋرالى قىزىقتى دەرەكتەردى نازارلارىڭىزعا ۇسىنادى. 

ءۇندىستاندا 1000-نان اسا تىلدە سويلەيدى

شاي مەن فيلمدەرىمەن تانىلعان ەلدە 1000-نان اسا تىلدەن بولەك ديالەكتىلەرى دە كوپ. ساياحاتشىعا ولاردى ءتۇسىنۋ ءۇشىن سوزدىك كومەكتەسپەيدى. ديالەكتىلەر بىر-بىرىنە مۇلدە ۇقسامايدى.

ءۇندىستاندا ءولىم دەڭگەيى وتە جوعارى

ءۇندىستانداعى ادامدار كوبىنە جول اپاتىندا كوز جۇمادى. ءۇندىستانداعى جول كولىك قوزعالىسى وتە ءقاۋىپتى. اسىرەسە قالالاردا. كولىكتەر، موتوسيكل، جانۋارلار مەن ۆەلوسيپەدتىڭ اراسىنان ءوتۋ ءۇشىن تالانت كەرەك دەرسىڭ. ادامدار كولىك اپاتىندا، اۆتوبۋستارداعى ادامنىڭ كوپتىگىنەن تۇنشىعىپ كوز جۇمىپ جاتادى. بىلىكتى دارىگەرلەردىڭ جوقتىعىنان جۇكتى ايەلدەر مەن سابيلەردىڭ ءولىمى دە كوپ. سونىمەن قاتار، اتالعان ەلدە ءالى كۇنگە دەيىن جارىنا ادال بولماعان ايەلدەردى ولتىرەدى.

ۇيلەردىڭ 53% سۋ قۇبىرى مەن كارىز جۇيەسى جۇرگىزىلمەگەن.

ءۇندىستانداعى قۇلدىق

وكىنىشكە وراي، ءۇندىستاندا ءالى كۇنگە دەيىن قۇلدار بار. قۇلداردىڭ سانى 14 ميلليون ادامعا جەتەدى. ۇزاق ۋاقىت بويى بيلىك اتالعان ماسەلەگە كوز جۇمىپ كەلدى. ءجىتى ويلاستىرىلماعان زاڭ مەن جەمقورلىق جايلاعان بيلىكتىڭ ارقاسىندا اتالمىش ماسەلەدەن ارىلا الماي كەلەدى. قۇلداردىڭ كوبى كەدەي، جۇمىسسىز ايەلدەر مەن بالالار. ولاردى جەزوكشەلىكپەن جانە اۋىر جۇمىس ىستەۋگە ماجبۇرلەيدى.  

ءۇندىستاندا ادامنىڭ قايتىس بولعان كۇنىن تويلايدى

ءۇندىستاندا كەڭىنەن تارالعان يندۋيزم داستۇرىنە ساي، ادامنىڭ قايتىس بولعان كۇنىن تۋىستارى تويلايدى. 12 كۇن بويى ىشىمدىك ىشۋگە جانە ەت جەۋگە بولمايدى. وتباسى مەن تۋىستارى قابىردەگى ءومىرى جاقسى بولسىن دەپ تىلەپ، تويلايدى ەكەن.

  
ماريحۋانا قوسىلعان ءسۇت كوكتەيلى

ءۇندىستاندا ەجەلگى زاماندا ماريحۋانانى ءارتۇرلى جاعدايدا قولدانعان. ءقازىر ماريحۋانانى قولدانۋعا زاڭ تۇرىندە رۇقسات ەتىلگەن. دەسەك تە، ءدىن جانە داستۇرگە قاتىستى شەكتەۋلەر بار.
ءۇندىستاندا ماريحۋانانى سۇتكە، تاماققا قوسادى. سونىمەن قاتار، ونى ءتۇرلى اۋرۋلاردى ەمدەۋ ءۇشىن پايدالانادى.