امەريكانىڭ سيقىرشىلىقپەن اينالىساتىن ايەلدەرى دونالد ترامپقا قارسى تۇرۋ ءۇشىن ءوز كۇشتەرىن بىرىكتىرەتىنىن جاريالادى. بۇل جونىندە Lenta.ru حابارلايدى.
Facebook جەلىسى ارقىلى ولار 24 اقپاننىڭ تۇنىنەن باستاپ «ترامپتى جانە ونىڭ قولداۋشىلارىن، كومەكشىلەرىن تۇسالاپ تاستايمىز» دەگەن ماگيالىق جوسىن-جورالعىلاردى جاساپ تۇرۋعا ۇندەدى. جورالعىلاردى اي باتىپ بارا جاتقان كەزدە جاساۋ كەرەك ەكەن جانە ولاردىڭ العاشقىسى ۆاشينگتون مەن نيۋ-يورك ۋاقىتىمەن ءتۇن ورتاسىنا بەلگىلەنگەن.
دۋاگەر ايەلدەر قاتىسۋشىلاردىڭ ءارقايسىسىنا «وزدەرى جاقسى كورەتىن جورالعىنى نەمەسە ماگيالىق جۇيەنى» قولدانۋعا كەڭەس بەرەدى. كەيبىر قوعامداستىقتاردا مۇنىڭ بارلىعى توپپەن جاسالماق، ال جەكە سيقىرشىلار Facebook، Twitter جانە باسقا دا الەۋمەتتىك جەلىلەر ارقىلى بايلانىسقا شىعىپ تۇرۋعا ۋاعدالاسىپ وتىر.
