2015 جىلى 27 اقپاندا قاستاندىقپەن ولتىرىلگەن رەسەي وپپوزيسيونەرى، ساياساتكەر بوري نەمسوۆتى بۇگىن رەسەي حالقى ەسكە الدى دەپ جازدى BBCء-دىڭ ورىس قىزمەتى.

ەسكە الۋ شاراسىنا قاتىسقاندار سانى 30 مىڭ دەپ حابارلاندى. ماسكەۋدىڭ وزىندە جەرگىلىكتى پوليسيانىڭ مالىمدەۋىنشە 5 مىڭنان استام ادام قاتىسسا، ۇيىمداستىرۋشىلار 15 مىڭنان كوپ ادام جينالدى دەگەن.

ەسكە الۋ مارشىندا كرەملدى قاتتى سىناعان پلاكاتتار مەن باننەرلەر بولعان. ەسكە الۋدا ەسكە الۋ اكسياسىن ۇيىمداستىرۋشىلار اراسىندا "سوليدارنوست"، "پارناس"، پارتيا پروگرەسسا، "يابلوكو"، "وتكرىتايا روسسيا"، "پارتيا 5 دەكابريا"، ليبەرتاريانسكايا پارتيا، "ۆىبور روسسيي"، "زا پراۆا چەلوۆەكا"، "موسكوۆسكايا حەلسينكسكايا گرۋپپا" سىندى رەسەيلىك ساياسي پارتيالار مەن قۇقىق قورعاۋ ۇيىمدارىنىڭ وكىلدەرى بار.

ەسكە الۋ ماسكەۋ، سانكت-پەتەربۋرگ، نوۆوسيبيرسك، قازان جانە رەسەيدىڭ وزگە دە قالالارىندا وتكەن.

1990 جىلداردىڭ باسىندا رەسەي ۇكىمەتىندە جوعارى لاۋازىمدى قىزمەتتەر اتقارعان بوريس نەمسوۆ 2000-جىلداردان باستاپ وپپوزيسيا قاتارىنا قوسىلعان. 2015 جىلى اقپاننىڭ 27ء-ى كۇنى كەشكىسىن بوريس نەمسوۆتى ماسكەۋدىڭ ورتالىعىندا اتىپ ولتىرگەن. رەسەي وپپوزيسياسىنىڭ جەتەكشىسى 55 جاستاعى بوريس نەمسوۆ كرەملدەن نەبارى 200 مەتردەي وسى جەردە قاستاندىقپەن اتىپ ولتىرىلگەن. ساياساتكەردىڭ قازاسىنا كۇدىكتى بەس ادام تۇتقىندالىپ، ايىپ تاعىلعان. تەرگەۋ بولجامى بويىنشا قىلمىستى ۇيىمداستىرۋشى رەتىندە كۇدىككە ىلىككەن شەشەنستانداعى «سيەۆەر» باتالونىنىڭ بۇرىنعى وفيسەرى رۋسلان مۋحۋدينوۆكە حالىقارالىق ىزدەۋ جاريالانعان.

ايتا كەتسەك، نەمسوۆ 2014 جىلعى رەسەي مەن ۋكراينا اراسىنداعى ساياسي داعدارىستا كرەملدى ايىپتاپ، سىني مالىمدەلەر جاريالاپ كەلگەن بولاتىن.