facebook قولدانۋشىسى ايدا دجەكسون ق ر ەڭبەك جانە الەۋمەتتىك قورعاۋ ءمينيسترى تامارا دۇيسەنوۆاعا ۇسىنىس تاستادى.
«قۇرمەتتى تامارا بوسىمبەك قىزى! مىندەتتى مەديسينالىق اۋدارىمدار تۋرالى زاڭدى تاماشا وتكىزە الدىڭىز. ەندى سونىڭ ەسەسىنىڭ قايتارىمى رەتىندە ءبىزدىڭ جۇمىس كۇنىمىزگە شۆەسيانىڭ تاجىريبەسىن ەنگىزسەڭىز. ويتپەگەن جاعدايدا كوپتەگەن شەنەۋنىكتەر مەن مەملەكەتتىك قىزمەتكەرلەر دينوزاۆرلار سەكىلدى جوق بولىپ كەتەدى. جىنىستىڭ قاتىناس دەگەننىڭ نە ەكەنىن بىلەسىز بە؟ ۆيكيپەديادان قاراۋعا كەڭەس بەرەمىن. ساتتىلىك!» دەپ جازدى ايدا دجەكسون.
ايتا كەتەيىك، شۆەدتىك ساياساتكەر جۇمىس كۇنى قىزمەتكەرلەر ۇيىنە بارىپ جىنىستىق قاتىناسقا ءتۇسۋ ءۇشىن ءۇزىلىس جاساۋدى ۇسىندى. بۇل تۋرالى قالالىق كەڭەستىڭ مۇشەسى ەۆەرتۋرنەو پەر-ەريك مۋسكوس France-Presse-كە بەرگەن سۇحباتىندا ايتتى. ول عالىمداردىڭ جىنىستىق قاتىناستىڭ پايداسى تۋرالى ايتقانىن تىلگە تيەك ەتتى. دەپۋتاتتىڭ ويىنشا ءقازىر شۆەدتىك جۇپتار جەتكىلىكتى دەڭگەيدە بىرگە ۋاقىت وتكىزبەيدى. دەسەك تە، مۋسكوس اتالعان ۇسىنىس قابىلدانعان جاعدايدا شۆەدتەر ءۇزىلىستى باسقا ماقساتتى قولدانۋى مۇمكىن ەكەنىن دە ايتىپ ءوتتى.
