اقمولا وبلىسىنىڭ ششۋچينسك قالاسىنداعى ەكولوگيا جانە ورمان شارۋاشىلىعى كوللەدجىندە «مانگىلىك ەل جاستارى – يندۋسترياعا» الەۋمەتتىك جوبانىڭ «سەرپىن – 2050» مەملەكەتتىك باعدارلاماسىنىڭ قاتىسۋشىلارىنا وقۋ باعدارلاماسىن جاقسى اياقتاعاندارى ءۇشىن سالتاناتتى تۇردە ديپلومدار بەرىلدى دەپ حابارلايدى Qamshy.kz

سالتاناتتى شارا كەزىندە «سەرپىن – 2050» جوباسىنىڭ 19 ستۋدەنتى لاندشافتتى ديزاين مامانىنىڭ ديپلومدارىن الدى.

باعدارلاما قاتىسۋشىسى وڭتۇستىك – قازاقستان وبلىسىنىڭ شىمكەنت ق. تۋماسى باقىتگۇل لەسبەكتىڭ ايتىۋنشا مەملەكەتتىك باعدارلاماعا قاتىسۋ تەك قانا بىلىمگە ەمەس، ۇلكەن تاجىريبە جيناپ، جاڭا دوستار تاۋىپ، كوپ اسەر الۋعا جول اشتى.

«سەرپىن – 2050» جوباسى 2014 جىلى اشىلدى. 2017 جىل ءبىزدىڭ سەرپىندىلىكتەرگە جەمىستى جىلداردىڭ ءبىرى، سەبەبى بيىلعى جىلى اقمولا وبلىسى بويىنشا ءبىز  104 تۇلەك شىعاردىق» - دەپ،  «سەرپىن – 2050» جوباسىنىڭ جەتەكشىسى كۋلزيا توباتايەۆا ايتىپ بەردى.

ەكولوگيا جانە ورمان شارۋاشىلىعى كوللەدجىنىڭ ديرەكتورى ۆلاديمير سكلياروۆتىڭ ايتۋىنشا باعدارلاماعا قاتىسقان بارلىق تۇلەكتەر جۇمىسپەن جانە باسپانامەن قامتىلادى.  

بۇدان باسقا، كەلەسى وقۋ جىلىنا قىزىلوردا وبلىسىنان 25 سەرپىندىكتى كوللەدجگە وقۋعا الۋ جوسپارلانىپ وتىر، ولار دا بىتىرگەن تۇلەكتەر سياقتى لاندشافت ديزاينىنىڭ قىر-سىرىنا ۇيرەنەتىن بولادى.