قىز ۇرلاساڭ – تۇرمەگە وتىراسىڭ. جازا مەرزىمى دە از ەمەس – ءتورت جىلدان ون ەكى جىلعا دەيىن سوتتايدى. ايەل بالاسىنىڭ تاعدىرىمەن وينايمىن دەگەندەردىڭ ەسىندە بولسىن: كەز كەلگەن قىلمىس زاڭمەن جازالانادى دەپ جازادى sputniknews.kz.

بىرەۋدى جىلاتىپ باقىتتى بولۋ مۇمكىن ەمەس، مۇنى كوكىرەگى وياۋ، كوزى اشىق ازاماتتىڭ ءبارى تۇسىنەدى. الايدا ەلىمىزدىڭ تۇكپىر-تۇكپىرىندەگى ۇرلانعان قىزداردىڭ باسىنان وتكەن وقيعا تۋرالى ءالى كۇنگە دەيىن ەستىپ جاتامىز. بۇل شاراسىز قالىڭدىقتاردىڭ تاعدىرى وزگەرۋى ءتيىس.

قىلمىس پەن جازا

تەمىر توردىڭ ار جاعىندا 12 جىل – "كۇيەۋ جىگىت" قىلمىسى ءۇشىن وسىنداي جازاعا كەسىلۋى مۇمكىن. قىزدار "ەل-جۇرت نە دەيدى" دەپ جالتاقتاماۋى ءتيىس، قورقاتىن دانەڭە دە جوق. ولاردى قورعايتىن زاڭ بار جىبەك مۋسينانى زورلاعانداردىڭ ۇكىمى وزگەرتىلگەن جوق

"قازاقستانداعى ايەلدەردىڭ قۇقىعى زاڭمەن قورعالعان. قىزدى زورلىقپەن ۇرلاۋ قىلمىس رەتىندە جازالانادى. بۇل جەردە ەكى جاقتىڭ كەلىسىمىمەن "ءسالت-داستۇر" رەتىندە جاسالاتىن "الىپ قاشۋ" ەمەس، شىن مانىسىندە ادام ۇرلاۋ جايىندا ءسوز بولىپ وتىر. ق ر قك 125 بابى 1 بولىگىندە ادام ۇرلاۋ ءۇشىن ءتورت جىلدان جەتى جىلعا دەيىن باس بوستاندىعىنان ايىرۋ جازاسى قاراستىرىلعان. ال ەندى وسى قىلمىس الدىن الا كەلىسىم بويىنشا توپ بولىپ جاسالسا – جەتى جىلدان ون ەكى جىلعا دەيىن جازا مەرزىمى تاعايىندالادى"، — دەپ تۇسىندىرەدى ادۆوكات ايمان وماروۆا.

 جۇرەككە ءامىر جۇرمەيدى

 ۇرلانعان قىزداردىڭ ۇنسىزدىگى ولاردىڭ كەلىسىم بەرگەندىگى ەمەس. پسيحولوگ گۋلبارام مۇسايەۆانىڭ ايتۋىنشا، بىرنەشە فاكتورلار ەسكەرىلۋى ءتيىس.

ءوزىن قورعايمىن دەپ كۇيەۋىن ولتىرگەن اقتوبەلىكتى سوت كىناسىز دەپ تاپتى "كوپتەگەن قىزدار جۇرتتىڭ سىنىنا ۇشىراۋدان قورقادى. وتباسىلىق قۇندىلىقتار مەن تاربيەنىڭ دە ماڭىزى زور. قىزدىڭ جانۇياسىنداعى اكەنىڭ ءرولىن دە ۇمىتپاۋ كەرەك. اكەسى قانداي ادام؟ وتباسىندا قانداي قۇندىلىقتار بولدى؟ مۇنىڭ ءبارى ۇرلانعان قىزدىڭ جۇرەگىنە ۇرەي ۇيالاتادى. ونىڭ ۇستىنە، وعان زورلىق كورسەتىلسە، ءومىر بويىنا جانى كۇيزەلىپ وتەدى"، — دەيدى ول.

پسيحولوگتىڭ ايتۋىنشا، جىگىتتەردىڭ ءوزىن-وزى تومەن باعالاۋى قىز الىپ قاشۋعا يتەرمەلەيدى.

"جىگىتتىڭ مۇنداي ارەكەتى ونىڭ ءوزىن قورسىنۋىنا بايلانىستى. البەتتە، ءار ءتۇرلى جاعدايلار بولىپ جاتادى. ماسەلەن، ەر ادام قىزدىڭ تەرىس جاۋابىنان قورقىپ، ارۋدى وسىلايشا وزىنە قاراتۋعا تىرىسۋى مۇمكىن"، — دەيدى گۇلبارام مۇسايەۆا.

 نە ىستەۋ كەرەك جانە كىم كىنالى؟

ادام قۇقىعىن ءاربىر مەملەكەت قورعايدى، قازاقستان دا بۇعان باسا نازار اۋدارادى. ادۆوكات ايمان وماروۆا جابىرلەنۋشىلەرگە بىردەن پوليسياعا شاعىم بەرۋگە كەڭەس بەرەدى. "ادام ۇرلانعان جاعدايدا، ءوزارا بىتىمگە كەلىپ، جابۋلى قازاندى جابۋلى كۇيىندە قالدىرۋعا بولمايدى. ايتۋ كەرەك، ايەلدىڭ زاڭمەن قورعالاتىنىن ەستە ساقتاۋ قاجەت. ءبىرىنشى كەزەكتە پوليسياعا ارىز جازىلادى. ودان كەيىن بۇل ءىس باسقا دا باپتار بويىنشا قارالۋى مۇمكىن، ماسەلەن "زاڭسىز ۇستاۋ" جانە تاعى باسقالارى. بۇل سول جاعدايعا بايلانىستى"، — دەيدى ادۆوكات.