امەريكالىق SpaceX كومپانياسى 2018 جىلدان باستاپ ايعا ساپار شەگۋ تۋرالى جوسپاردى جۇزەگە اسىرۋدا، دەپ حابارلايدى rbc.ru. تاجىريبە رەتىندە 2018 جىلدىڭ العاشقى ايىندا ەكى عارىشتىق تۋريست ساياحاتقا اتتانادى. كومپانيا مۇشەلەرىنىڭ ايتۋىنشا، ساياحاتقا اتتانۋعا ءوتىنىش ايتىپ، قاراجات قۇيىپ جاتقان ادامدار ءقازىردىڭ وزىندە جەتەرلىك.
«ءبىز كەلەسى جىلى ەكى ساياحاتشىنى ايعا اتتاندىراتىنىمزعا قۋانىپ وتىرمىز. ولار عارىششقا ساياحات جاساپ، ءوز ارماندارىنا قول جەتكىزەدى»، - دەپ جازىلعان كومپانيانىڭ سايتىندا.
تۋريستەردىڭ ەسىمى ازىرگە جاريالانبايدى. ولار ساياحاتقا قاجەتتى قاراجاتتىڭ جارتىسىن تولەپ قويعان. 2017 جىلدان باستاپ، مەديسينالىق تەكسەرىستەر مەن ارنايى جاتتىعۋلار جۇرگىزىلەتىن بولادى.
تۋريستىك ميسسيانى Falcon Heavy راكەتاسىنىڭ كومەگىمەن Dragon2 كەمەسى باستايتىن بولادى.
