وسىدان 95 جىل بۇرىن قايتىس بولعان ءبۇلدىرشىن كۇن ساۋلەسى جەرگە تۇسكەن بويدا كوزىن اشىپ-جۇمادى دەسە سەنەر مە ەدىڭىز؟ ال مۇنداي جاعداي يتالياداعى سيسيليالىق پالەرمودا ورنالاسقان شىركەۋ ىشىندە كۇنىگە ورىن الىپ تۇرادى. دەرەككوز: alashainasy.kz

سول شىركەۋدىڭ جەرتورەسىندە ەكى جاسار بۇلدىرشىننەن باسقا ەكى مىڭنان استام ءمايىت ساقتالعان. تولىق ءاتى-جونى روزاليي لومباردو ەسىمدى بۇل قىز بالا 1920-شى جىلى وكپەسى قابىنىپ قايتىس بولعاندا ونىڭ ماريو ەسىمدى اكەسى قايعىدان قان جۇتىپ، بۇ دۇنيەمەن قوشتاسۋعا بەل بۋادى. سول كەزدە بەلگىسىز ءبىر ادام ومىردەن تۇڭىلگەن الگى بەيباققا قىزىنىڭ دەنەسىن بالزامداۋعا بىلاي دەپ كەڭەس بەرەدى: - «ادام دەنەسىن بالزامداۋ ءتاسىلى ءبىزدىڭ ەرامىزعا دەيىن ءىىى-عاسىردان باستاپ مىسىر ەلىندە ارا-تۇرا كەزدەسىپ تۇرادى. جانە ونداي بالزامدى كەز كەلگەن ادامنىڭ دەنەسىنە جاعا بەرمەگەن. بالزام تەك تاڭداۋلىلار مەن قالاۋلىلارعا، ەل بولىپ جينالىپ، داۋىس بەرۋ ناتيجەسىنە قاراي جاعىلاتىن. ال ءسىزدىڭ قىزىڭىزدىڭ ءجونى بولەك. سەبەبى، ءسىزدىڭ قىزىڭىز بەيكۇنا، پەرىشتە قالىپىندا ومىردەن وزدى. سوندىقتان ءسىزدىڭ شەشىمىڭىزگە ەشكىم قارسى كەلە قويماس». جانە ول ادامنىڭ ءاتى-جونى كىم ەكەنى، قانداي ماماندىق يەسى بولعاندىعىن ايعاقتايتىن تۋرالى قانداي دا ءبىر مالىمەت جوق.

قايتىس بولعان قىزىنىڭ قاسىندا مەيلىنشە ۇزاق ۋاقىت بولۋدى قالاعان ماريو لومباردو ەش ويلانباستان سول زامانداعى اسا تانىمال مىسىرلىق الفرەدو سالافيا ەسىمدى بالزامداۋشىنى الدىرتىپ، قىزىنىڭ دەنەسىنە ۋىزعا ۇقساس اقشىل سارى سۇيىقتىقتى جاقتىرتادى. بالزامداۋشى الدىمەن روزالينانىڭ دەنەسىندەگى قاندى فورمالدەگيد قوسپاسىنا الماستىرسا، ارتىنان بالزامدى بىركەلكى ەتىپ جاعادى. جانە ول ماريوعا قىزىنىڭ دەنەسىنە ءسپيرتتى ءوزى بەلگىلەپ بەرگەن كەستە بويىنشا جۇيەلى تۇردە جاعىپ تۇرۋدى تاپسىرعان ەكەن.

ارادا ايلار ءوتىپ، جىلدار جىلجىسى دا ءبۇلدىرشىن ءمايىتى وتە جاقسى ساقتالعان. سوندىقتان بولار ءبىر عاسىر بۇرىن قايتىس بولعان ەكى جاسار روزاليا كۇنىگە تاڭ اعارىپ اتقان شاقتا مىندەتتى تۇردە كوزىن اشىپ، جۇمادى ەكەن. سەنبەسەڭىز مىنا بەينەجازباعا قاراڭىز!