ە پ ي گ ر ا م م ا ل ا ر (مەرەكەلىك ازىلدەر)
قازاقستان رەسپۋبليكاسىنىڭ تۇڭعىش پرەزيدەنتى، ەلباسى، تۇرىك الەمىنىڭ ليدەرى -
نۇرسۇلتان ءابىش ۇلى نازاربايەۆكە!
تۇيە باقسا ابىلاي، ول دالادا قوي باقتى.
جىگىت بولىپ ەر جەتىپ، تەمىر، شويىن "قايناتتى".
ەل باستادى تۋ ۇستاپ، ءىزىن باسىپ بابانىڭ،
قاق تورىنە الاشتىڭ، اقورداسىن جايناتتى!
باتىستاعى "ايۋدى"، شىعىستاعى "ايداھار"،
ايتقانىنا كوندىرگەن اقىل اسقان - ايلاكەر!
كەدەيلەۋ حالقىن بۇگىنگى، 2050 گە "سەندىرگەن"،
نۇر - ەكەڭدەي پرەزيتەنت ايتىڭدارشى قايدا بار!
* * *
قازاق ستانىڭ حالىق ءارتيسى، ونەردەگى اقىلشى اعالارىمنىڭ ءبىرى – نۇرعالي ءنۇسىپجانۇلىنا!
اقيىعى ونەردىڭ اسقاق ءانشى نۇر – اعاڭ!
تالاي سۇلۋ تالىقسىپ قۇشاعىنا قۇلاعان!
سىيقىرىنان داۋسىنىڭ كەمپىر - شالدار كەمسەڭدەپ، بەسىكتەگى بالا دا ۋانادى جىلاعان!
سەكسەن جاستا "سەكىرىپ" ساحنادا ءان ساعان،
الدىمداعى نارتۇلعا اعا بارعا قۋانام!
* * *
تۇرىك الەمىنىڭ ۇلى اقىنى، جىر ءدۇلد ۇلى، قوعام قايراتكەرى – مۇحتار شاحانوۆكە!
«جەلتوقساننىڭ جاراسىن جازامىن» - دەپ «ەمشى بوپ»،
قىرعىز جاققا ايدالدىڭ ءبىراز جىلعا ەلشى بوپ.
ەندى ءجۇرسىڭ كۇرەسىپ، "جاڭا قازاق" ماڭگۇرتپەن،
"وياتام" - دەپ نامىسىن قارا قايراق، قامشى بوپ!
«قازاق ءتىل» - دەپ شىرىلداپ، داۋسىڭ قالدى قىرىلداپ.
قالعىپ - مۇلگىپ وتىرساڭ كەي بىرەۋدەي "پىرىلداپ"،
شىرەنەر ەڭ "كوك ۇيدە" دەپۋتات بوپ قايتادان،
"كايف" بولىپ كارتا ويناپ، قىز - قىرقىنعا قىرىنداپ!
* * *
2
قازاقستاننىڭ حالىق ءارتيسى، ق ر پارلامەنت ءماجىلىسىنىڭ دەپۋتاتى، قوعام قايراتكەرى، بۇلبۇل كومەي ءانشى، ونەردەگى باۋىرىم - بەكبولاتقا!
دەپۋتات س بورودوي،
قايدا جۇرسە س دومبىروي!
ەرىنىدە ناسىباي،
ءمينيستردى نا دۋەل،
شاقىرادى جاسىماي!
قالام السا - عالىمداي!
ماجىلىستە وراتور،
پىكىر ايتار جالىنداي!
قوبىز السا - قورقىتتاي!
ءبارىن ايتتا، ءبىرىن ايت،
ءان سالعاندا بەكبولات،
ءبىرجاننان قالعان سارقىتتاي!
* * *
قازاقستاننىڭ حالىق ءارتيسى، قازاقتىڭ تەاتر مەن كينو ونەرىنىڭ دارابوزى، ونەر جولىنداعى جاستىق شاعىمىزدا تالاي قىزىقتى بىرگە وتكىزگەن قۇرداسىم - تۇڭعىشبايعا!
قاراپ تويماس كەلبەتتى، تەرەكتەي بەرگەن بويدى دا!
ءوزى اكتەر، ءوزى اقىن، باسقارىپ كەتەر تويدى دا!
پروفەسسور اتاقتى، سەرىلىگى تاعى بار،
ءانشى بوپ كەتتى ءبىر كەزدە، ديرەكتورلىقتى قودى دا!
"قايىرلى تاڭدى" جۇرگىزىپ، كورەرمەندى كۇلگىزىپ،
"مير" - عا دا شىعىپ ايتتى ول، حالاقارالىق ويدى دا!
سەن ەدىڭ سومداپ قازاقتىڭ، حاندارىن ۇلى تىرىلتكەن،
ەلباسى سونى ەسكەرسە، اراشا تۇسەر قايعىڭا!
* * *
قازاقستاننىڭ حالىق ءارتيسى، وسى زاماننىڭ سەرىسى، ۇلى نۇرعيسا اعامىز «سارى بالا» اتاندىرعان، «قارالاردى» قادىرلەيتىن دوسىم – التىنبەككە!
«قارا كەمپىر»، «قارا شال»
باتا بەرگەن ساربالا!
"قارا قىزدى" قۇشاقتاپ،
جاتا بەرگەن - ساربالا!
"قارا پيما" توزدىرىپ،
زىتا بەرگەن - ساربالا!
قارتا ويناعان دوستارىن،
3
ۇتا بەرگەن - ساربالا!
ءوزى سارى بولسا دا،
"قارا بالا" تاپتىرعان!
كورە الماعان دۇشپانعا،
بالتىرىنان قاپتىرعان!
اتاعى مەن "شاتاعىن"،
ۋاقىتىندا اپ تۇرعان!
ساربالاداي دوسىما،
ناۋرىزدا تىلەيمىن،
ۇزاق عۇمىر تاعدىردان!
ايمۇحانبەت بەيسەمبەكو
