2017 جىلعى 24 ناۋرىزدا ەريەۆان قالاسىندا ارنو بابادجانيان اتىنداعى مەملەكەتتىك فيلارمونيادا «ناۋرىز مەيرامى» اتتى قازاق فولكلورلىق جانە كلاسسيكالىق مۋزىكاسىنىڭ كونسەرتى ءوتتى. ءىس-شارا ارمەنياداعى قازاقستان جانە تۇرىكمەنستان ەلشىلىكتەرىنىڭ ۇيىمداستىرۋىمەن وتكىزىلدى.

         اتالعان ءىس-شاراعا مينيسترلىكتەر مەن ۆەدومستۆولاردىڭ وكىلدەرى، قوعام قايراتكەرلەرى، شەتەلدىك ديپميسسيالاردىڭ باسشىلارى جانە ارمەنياداعى قازاقستاننىڭ دياسپورا مۇشەلەرى كەلدى.

         كونسەرتتىك باعدارلاماعا ارنايى الماتى جانە قوستاناي قالالارىنان كەلگەن كوركەمونەر ارتىستەرى قاتىستى. ماسەلەن، الماتى قالاسىنىڭ №18 مەكتەپتىڭ وقۋشىسى اشوت محيتاريان «ورتەكە»، «سارانجاپ»، «بالبىراۋىن»، «ءالقيسا»، «اكە تولعاۋى» جانە «سەكىرتپە» اتاقتى قازاقتىڭ كۇيلەرىن دومبىرادا ورىندادى. سونداي-اق، كونسەرتتىك باعدارلامادا «مەن قازاقتىن قىزىمىن» اتتى انىمەن «قازاقستان-قوستاناي» تەلەارناسىنىڭ رەداكتورى گايانە مارتيروسيان، «كوزىمنىڭ قاراسى» انىمەن ديليجان قالاسىنىڭ بىرىككەن الەم كوللەدجىنىڭ وقۋشىسى ارنۇر سابەت جانە عازيزا جۇبانوۆا مەن ارنو بابدجانياننىڭ مۋزىكالىق شىعارمالاردىڭ ورىنداۋىمەن پ. چايكوۆسكيي اتىنداعى مۋزىكالىق مەكتەپتىڭ قازاقستاندىق وقۋشىسى ونەر كورسەتتى.

         كونسەرتتەن كەيىن ءىس-شارانىڭ قوناقتارى ناۋرىز-كوجەنىڭ ءدامىن تاتىپ، قازاقستان مەن تۇركمەنستاننىڭ ءداستۇرلى ۇلتتىق تاعامدارىنان اۋىز ءتيىپ، قازاقتىڭ كيىز ءۇي ىشىندەگى بۇيىمداردى تاماشالادى.