وڭىرلىك كوممۋنيكاسيالار قىزمەتىندە جامبىل وبلىسى بويىنشا «دامۋ» كاسىپكەرلىكتى دامىتۋ قورىنىڭ» ايماقتىق فيليالى 2016 جىلدىڭ ناتيجەسى بويىنشا پرەسس-كونفەرەنسيا وتكىزەدى دەپ حابارلايدى "قامشى" اقپاراتتىق اگەنتتىگى. پرەسس-كونفەرەنسياعا «دامۋ» قورى ايماقتىق فيليال ديرەكتورىنىڭ ۋاقىتشا م.ا. پاك ولەگ ۆالەريەۆيچ جانە قۇزىرەتتى ارتتىرۋ باعدارلامالارى بويىنشا باس مەنەدجەرى جاسۇلان ەسجانوۆ قاتىستى.

جاسۇلان الپامىس ۇلىنىڭ سوزىنە سۇيەنسەك، كاسىپكەرلەر نەسيەسى بويىنشا پايىزدىق ۇستەمەنى سۋبسيديالاۋ بويىنشا جالپى سانى 167 جوبا سۋبسيديالاندى (2015 جىلعى كوسەتكىشپەن سالىستىرعاندا، ءوسىم 19،2%)، نەسيە پورتفەلىنىڭ سومماسى 19،08 ملرد. تەڭگە قۇرادى، ايماقتار رەيتينگىندە بۇل 2ء-شى ورىن.

كەپىلدەندىرۋ تەتىگى بويىنشا سومماسى 489 ملن. تەڭگە قۇرايتىن 60 كەپىلدەمە بەرىلدى. 2016 جىلى، فيليال وسى كورسەتكىشتەرمەن رەسپۋبليكا بويىشا 8 ورىنعا تۇراقتادى. جالپى، باعدارلاما جۇزەگە اسا باستاعان كۇنەن بەرى فيليال نەسيە پورتفەلى 2 ملرد. تەڭگە قۇرايتىن 197 جوباعا قولداۋ كورسەتتى. بۇل ءوز كەزەگىندە، رەسپۋبليكا بويىنشا 2 كورسەتكىش. 

سونداي-اق، ايماقتىق قارجىلاندىرۋ بويىنشا جالپى سومماسى 343 ملن. تەڭگە قۇرايتىن 10 جوبا قارجىلاندىرىلدى. سونىمەن قاتار، بانكتە سومماسى 157 ملن. تەڭگە قۇرايتىن 4 جوبا قاراستىرىلۋدا.

2016 جىلى «دامۋ» قورى جانە جامبىل وبلىسىنىڭ اكىمشىلىگى، تۋريستتىك جانە باسقا دا سالالاردا جۇمىس ىستەيتىن مەكەمەلەردى قارجىلاندىرۋ ماقساتىندا 500 ملن. تەنڭگە بولگەن بولاتىن. جىلدىق پايىز ۇستەمەسى 8،5%. قاتىسۋشى-بانكتەر: «قازاقستان حالىق بانكى»اق ، «كازكوممەسربانك» اق.

كاسىپكەلەردى قارجىلاي ەمەس قولداۋ ورتالىعىندا 10 532 قىزمەت كورسەتىلدى، 37 بيزنەس جوبا جاسالدى، 30 جوبا بانكتەن نەسيە الۋعا سۇيەمەلدەنىپ، قولداۋ الدى. كاسىپكەرلەرگە كىزمەت كورسەتۋ موبيلدىك ورتالىعى 1742 قىزمەت كورسەتتى، - دەپ حابارلادى ج.ەسجانوۆ.