تاراز قالاسى «اراي» القابىندا جاڭا شاعىن اۋدان سالىنۋدا دەپ حابارلايدى «قازاقپارات» حاا .

2014 جىلى جاڭا «اراي» القابىندا 14 گەكتار اۋماقتا كوپپاتەرلى ءۇي سالۋ جۇمىستارى باستالعان. 2015 جىلى «تۇرعىن ءۇي جيناق بانكى» جەلىسى بويىنشا ەكى 65 پاتەرلىك تۇرعىن ءۇي سالىنىپ، پايدالانۋعا بەرىلدى. ءۇيدى ۇوس ارداگەرلەرى، مەملەكەتتىك جانە اسكەري قىزمەتشىلەر، بيۋدجەت قىزمەتكەرلەرى، كوپبالالى وتباسىلار، جەتىم بالالار الدى. 2016 جىلى ق ر تاۋەلسىزدىگىنىڭ 25 جىلدىعىن مەركەلەۋ قارساڭىندا «نۇرلى جول» باعدارلاماسى اياسىندا سالىنعان جاڭا ۇيدەن 80 وتباسى پاتەر الدى.

ءقازىر «اراي» القابىندا 80 پاتەرلىك 12 بەسقاباتتى ءۇي سالىنۋدا. قۇرىلىس 2016 جىلى باستالعان. ءۇيدىڭ بولىگى وسى جىلعى مامىردا تاپسىرىلادى. ەكى جاڭا ءۇيدى وسى جىلى ناۋرىزدا «بينوم» جانە «اگروسپەسستروي» سالا باستادى. ول 2018 جىلى اياقتالادى. تارازدا جالپى 960 پاتەر سالىنۋدا.

تاراز اكىمى رۇستەم داۋلەت قۇرىلىس بارىسىن قاراپ، قۇرىلىسشىلارمەن سويلەسىپ، ناتيجەسىنە كوڭىلى تولدى.

«جامبىلحيمسترويينجەنەرينگ» ج ش س ديرەكتورى يۋريا ميناكوۆانىڭ ايتۋىنشا، كومپانيا 6 128 شارشى مەتر 80 پاتەرلىك بەسقاباتتى ءۇيدى اياقتاپ قالدى.