بۇگىن «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ۇيىمداستىرۋىمەن «مۋزەيدەگى عىلىمي-زەرتتەۋ جۇمىستارىنىڭ وزەكتى ماسەلەلەرى» تاقىرىبىندا «12 – ءساۋىر عىلىمي قىزمەتكەرلەر» كۇنىنە وراي دوڭگەلەك ۇستەل بولىپ ءوتتى دەپ حابارلايدى "قامشى" اقپاراتتىق اگەنتتىگى.

دوڭگەلەك ۇستەل جۇمىسىنا «ازىرەت سۇلتان» مەملەكەتتىك تاريحي-مادەني قورىق-مۋزەيى قىزمەتكەرلەرىمەن بىرگە، قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى ارحەولوگيا عىلىمي-زەرتتەۋ ورتالىعىنىڭ عىلىمي قىزمەتكەرلەرى PhD (فيلوسوفيا دوكتورى) مۋزاففار گۋرسوي، سىزدىقوۆ باقداۋلەت، ن. تورەقۇلوۆ مۋزەيىنىڭ عىلىمي قىزمەتكەرى – نىشانبايەۆا روزا، س. ەرۋبايەۆ مۋزەيىنىڭ مەڭگەرۋشىسى – بوستانوۆ اقسۇمبە، عىلىمي قىزمەتكەر – س.نيەتبەك قاتىسىپ ءوز ويلارىن ورتاعا سالدى.

العاشقى ءسوز كەزەگىن العان «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ديرەكتورى ج.اۋباكىر بارلىق عىلىم سالاسىندا ەڭبەك ەتىپ جۇرگەن قىزمەتكەرلەردى، عىلىمي قوعامدى، ءتول مەرەكەلەرىمەن قۇتتىقتاپ، بيىك بەلەستەرگە جەتۋگە ساتتىلىك پەن شىعارماشىلىق تابىستار تىلەدى.

كەلەسى كەزەكتە قورىق-مۇراجايدىڭ كىشى عىلىمي قىزمەتكەرى ا.ورىنبەكوۆا قورىق-مۋزەيدىڭ عىلىمي-زەرتتەۋ ءبولىمىنىڭ تاريحى، قۇرىلىمى، اتقارىپ جاتقان قىزمەتتەرى، جەتكەن جەتىستىكتەرىن تانىستىراتىن قىسقاشا بايانداما وقىدى.

دوڭگەلەك ۇستەل بارىسىندا، بۇگىنگى مۋزەيلەردە عىلىمي-زەرتتەۋ جۇمىستارىنىڭ جۇرگىزىلۋ بارىسى، ارحەولوگيالىق قازبا جۇمىستارىن جۇرگىزۋمەن بايلانىستى كەلەلى ويلار، زەرتتەۋلەر جۇرگىزۋدىڭ ادىس-تاسىلدەرى جانە مۋزەيلەر مەن ۇرپاق تاربيەسىن ۇشتاستىرۋعا بايلانىستى وزەكتى ماسەلەلەر تالقىلاندى. سونىمەن قاتار، ەسكەرتكىشتەردى قورعاۋ، ساقتاۋ، ناسيحاتتاۋ جۇمىستارىن جۇيەلى جولعا قويۋداعى عىلىمنىڭ ورنى سىندى تاقىرىپتار توڭىرەگىندە پىكىرلەر ايتىلدى.

                جيىن سوڭىندا كەلگەن قوناقتارعا قورىق-مۋزەيدىڭ باسپا ونىمدەرى سىيعا بەرىلدى.