"كاز مۇنايدى" العانى،
قازباڭا قولدى سالعانى.
قورعاستى "قورشاپ" العانى،
قوينىڭا قولدى سالعانى.
اقتوبەگە كەلىپ تۇرعانى،
"قاق توبەڭنەن" ۇرعانى!
اقتوعايدى العانى،
تۇراقتاپ سوندا قالعانى.
51 زاۋىت بەرگەنى،
51 000 جۇڭگو كەلگەنى.
ەلۋ جىلدان سوڭ ەڭ كوبى،
قىتايلار بولار ەلدەگى.
قىزىڭدى الار قاتىن قىپ،
گازىڭدى جاعار وتىن عىپ.
جەزىڭدى ساتار پۇل قىلىپ،
ءوزىڭدى الار قۇل قىلىپ.
الماتىڭا قاپتاۋى،
جەرىڭدى جالداپ،تاپتاۋى.
جاستاردى تەگىن وقىتىپ،
قىتايشا باپتاۋى.
تەمىر جول سالىپ توتەدەن،
ەۆروپاعا اتتاۋى.
ميللياردتاپ بەرىپ قارىزدى،
ارقاعا قاعىپ قۋلىقپەن،
بوسپە بيلىكتى ماقتاۋى-
وسىنىڭ تۇر ارتىندا،
قۇرۋلى قۇرساۋ قاقپانى!
ويلان، قازاق! ماقتانبا!
اقىلعا كەل،ساقتاندا!
ءتۇسىپ قالىپ قاقپانعا،
سالىپ جۇرمە اتتانعا!
ايمۇحانبەت
پىكىر قالدىرۋ