قازاقستاندا تاۋەلسىزدىكتىڭ 25 جىل تولۋىنا وراي جاريالانعان راقىمشىلىق اياقتالدى دەپ حابارلايدى قامشى اقپاراتتىق اگەنتتىگى Sputnik-كە سىلتەمە جاساپ.
راقىمشىلىققا بايلانىستى 1200 جازاسىن وتەۋشى بوستاندىققا شىقتى جانە 2269 جازاسىن وتەۋشىنىڭ جازا مەرزىمى قىسقارتىلدى. قوعامنان وقشاۋلانباعان سوتتالعانداردىڭ 6700-نە راقىمشىلىق جاسالدى.
راقىمشىلىققا بايلانىستى بوستاندىققا شىققانداردىڭ 100-دەن استامىنا جۇمىسقا تۇرۋعا كومەك كورسەتىلدى.
قازاقستانداعى راقىمشىلىققا بايلانىستى "استانا ەكسپو-2017" ۇلتتىق كومپانياسىنىڭ قۇرىلىس دەپارتامەنتىنىڭ بۇرىنعى باسشىسى قاجىمۇرات ۇسەنوۆ بوستاندىققا شىقتى. ول ەكسپو اياسىندا اقشا جىمقىردى دەپ ايىپتالىپ، ەكى جىلعا باس بوستاندىعىنان ايىرىلعان. بۇرىنعى اۋىلشارۋاشىلىق ۆيسە-مينيسترى 100 مىڭ تەڭگە كولەمىندە پارا الدى دەپ ايىپتالىپ، 10 جىلعا جازاسىن قاتاڭ تۇزەتۋ مەكەمەسىندە وتەپ جۇرگەن. بۇدان باسقا پوليسەيگە ءناجىسىن شاشقان قايرات ەلۋبايەۆ بوستاندىققا شىقتى. ەكس پرەمەر-مينيستر سەرىك احمەتوۆتىڭ جازا مەرزىمى قىسقارتىلدى. تۇڭعىشباي جامانقۇلوۆتىڭ جازا مەرزىمى 7 جىلدان 3 جىل 7 ايعا قىسقارتىلدى. سوت جۋرناليستەر وداعىنىڭ بۇرىنعى باسشىسى سەيتقازى ماتايەۆتىڭ دا جازا مەرزىمىن 6 جىلدان ەكى جىلعا قىسقارتتى.
شولۋشى: اسەم المۇحانبەت
