بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسيادا ق ر ءبىلىم جانە عىلىم مينيسترلىگى بيۋدجەتتىك جوسپارلاۋ دەپارتامەنتىنىڭ ديرەكتورى ساندۋعاش جاقىپوۆا مالىمدەدى.

جيىن بارىسىندا  ق ر ۇلتتىق ەكونوميكا مينيسترلىگىنىڭ سالالىق ەكونوميكا دەپارتامەنتىنىڭ ديرەكتورى ەرجان قازانبايەۆ جاڭا مەكتەپتەر مەن بالاباقشالار قۇرىلىسى تۋرالى ايتىپ، بۇگىندە 52 ءبىلىم بەرۋ نىسانى ىسكە قوسىلعانىن تىلگە تيەك ەتتى. ول مەملەكەت باسشىسىنىڭ تاپسىرماسىنا سايكەس 2018 جىلعا قاراي ءۇشاۋىسىمدىق وقىتۋدى جويۋ جانە اپاتتىق جاعدايداعى مەكتەپتەردى ازايتۋ بويىنشا، سونداي-اق 3-تەن 6 جاسقا دەيىنگى بالالاردى مەكتەپكە دەيىنگى تاربيەمەن قامتاماسىز ەتۋ ءۇشىن 105 ءبىلىم بەرۋ نىسانىنىڭ، ونىڭ ىشىندە 91 مەكتەپ، 19 بالاباقشا قۇرىلىسىنا 77 ملرد.تەڭگە ءبولىنىپ وتىرعانىن ەسكە سالدى. 

 «بۇگىندە 53 ءبىلىم بەرۋ نىسانى ىسكە قوسىلدى، ونىڭ 35ء-ى مەكتەپ جانە 17ء-سى بالاباقشا. اعىمداعى جىلى قوسىمشا 71،7 ملرد.تەڭگە جوسپارلانۋدا. بۇل بۇرىن باستالعان 58 ءبىلىم بەرۋ نىسانىن اياقتاۋعا جانە 56 جاڭا نىساننىڭ قۇرىلىسىن باستاۋعا مۇمكىندىك بەرەدى»، - دەدى سپيكەر. 

سونىمەن بىرگە ق ر ءبىلىم جانە عىلىم مينيسترلىگى بيۋدجەتتىك جوسپارلاۋ دەپارتامەنتىنىڭ ديرەكتورى ساندۋعاش جاقىپوۆا 52 ءبىلىم نىسانىنىڭ قاي وبلىستاردا ىسكە قوسىلعانىن باياندادى. «بۇل نىسانداردىڭ بارلىعى ەلىمىزدىڭ ءار وبلىستارىندا بار. ولاردىڭ ىشىندە ەڭ كوبى الماتى وبلىسىندا 10 مەكتەپ، وڭتۇستىك قازاقستان وبلىسىندا 10 مەكتەپ، اقتوبە، جامبىل وبلىستارىندا 5 مەكتەپتەردەن، شىعىس قازاقستان وبلىسى، قاراعاندى، قىزىلوردا، سولتۇستىك قازاقستان وبلىستارىندا 3 نىسان، قالعان وبلىستاردى 1،2 نىساننان ىسكە قوسىلدى»  - دەدى سپيكەر.