Ranking.kz ساراپشىلارى قازاقستاندىقتاردىڭ ءوز جيناقتاۋ قورىن قاي بانككە سەنىپ تاپسىراتىندارىن انىقتادى. سوڭعى 5 ايدا تەڭگە سالىمى 19%-عا ءوسىپ، ۆاليۋتالىق سالىم تومەندەگەن، دەپ جازادى قامشى اقپارات اگەنتتىگى.

پورتال مالىمەتىنشە، مەملەكەتتە جەكە تۇلعالار دەپوزيتتەرىنىڭ جالپى سوماسى 3%-عا تومەندەگەن، ينۆاۆاليۋتا 13%-عا تومەندەدى. وسى ۋاقىت ارالىعىندا تۇرعىندارپدىڭ تەڭگە سالىمىنىڭ سوماسى 19%-عا وسكەن.

تەندەنسيا تەڭگەنى نىعايۋىنىڭ سالدارىنا بايلانىستى.

 5 اي كولەمىندە ءتۇرلى سالىمدار كولەمى بويىنشا الدا كەلە جاتقان بانك – تۇرعىنۇيقۇرىلىسجيناقبانكى. 2017 جىلدىڭ قاڭتارى مەن مامىرى ارالىعىندا جالپى سانى 54،6 ملرد تەڭگەگە دەيىن وسكەن نەمەسە 13%-عا دەيىن كوتەرىلگەن. قازىرگى تاڭدا بانك نارىقتا جەكە تۇلعالالردىڭ جيناقتاۋ قورىنىڭ 6%-ىن قامتيدى.

ەكىنشى ورىندا – كاسپيي بانكى. 5 ايدا ءوز پورتفەلىندە سالىمدارىن 30،9 ملرد تەڭگەگە دەيىن ءوسىردى نەمەسە 4%-عا. بانكتىڭ نارقىتاعى ۇلەسى 10%-دى قامتيدى.

3-ورىنعا شىققان بانك – Fortebank. 5 اي ىشىندە جەكە تۇلعالار سالىمى 17 ملرد تەڭگەگە، 4%-عا ءوستى. بانكتىڭ نارىقتاعى ۇلەسى 5،6%-عا جەتكەن.

2016 جىلدىڭ باسىندا اتالمىش بانكتەر جىلىنا 8،8% تەڭگەلىك دەپوزيتتەر بويىنشا سىياقى ۇسىنعان.

شولۋشى: گۇلىم جاقان