كوكشەتاۋدا ءسۋيسيدتى ناسيحاتتاعان 15 ۆەب-سايتتىڭ جۇمىسى توقتاتىلدى، دەپ جازادى قامشى اقپارات اگەنتتىگى. بۇل تۋرالى وبلىستىق پروكۋراتۋرانىڭ باسپا ءسوز قىزمەتى مالىمدەدى.
ءسۋيسيدتى ناسيحاتتايتىن سايتتاردىڭ جۇمىس ىستەپ جاتقانى ينتەرنەت رەسۋرستارعا ارنايى مونيتورينگ جۇرگىزۋ بارىسىندا بايقالعان. اتالمىش سايتتارعا 1 ملن 891 مىڭ 267 ادام تىركەلگەن ەكەن. ال ولاردىڭ 3 مىڭنان استامى - كامەلەتكە تولماعاندار.
بۇل سايتتار سونداي-اق ءوز قولدانۋشىلارىنا ءسۋيسيدتى قالاي جاساۋ قاجەتتىگىن ءتۇسىندىرىپ قانا قويماي، پورنوگرافيالىق ماتەريالداردى دا ناسيحاتتاپ وتىرعان.
قازىرگى تاڭدا سوت شەشىمىمەن ول سايتتار بۇعاتتالدى.
پىكىر قالدىرۋ