باۆاريانىڭ باد-تەلس قالاسىنىڭ پوليسياسىنا اقشا تاراتىپ جۇرگەن جەتكىنشەك تۋرالى حابار تۇسكەن.  جەتكىنشەك  100-2،5 مىڭ ەۆرو ارالىعىنداعى اقشانى مەكتەپ فۋتبول كومانداسىنىڭ ويىنشىلارىنا تاراتىپ جۇرگەن. بۇل تۋرالى قامشى اقپاراتتىق اگەنتتىگى شەتەل باسىلىمىنا سىلتەمە جاساپ حابارلايدى.

پوليسەيلەر ءجاسوسپىرىمنىڭ جەكە تۇلعاسىن تەز ارادا انىقتاعان. ول 13 جاستاعى مەكتەپكە جاڭادان كوشىپ كەلگەن جەتكىنشەك بولىپ شىققان. بالا جاڭادان كوشىپ كەلگەن مەكتەپتە دوستار تاپاعانىنا قاتتى قاپالانىپ جۇرسە كەرەك. ءوزىنىڭ جالعىزدىق پروبلەماسىن شەشۋ ءۇشىن اقشا تاراتقان. ول اقشانى (10 مىڭ ەۆرو) اتا-اناسىنان ۇرلاپ العان.

ماسەلەنىڭ ءمان جايى بەلگىلى بولعان سوڭ، بالانىڭ اتا-اناسى تاراتىلعان اقشانى قايتارىپ بەرۋىن سۇراعان. اقشانى قايتارىپ بەرگەندەر بولعان، الايدا كوپشىلىك بالالار اقشانى قۇرتىپ تاستاعاندارىن، ءتىپتى كەيبىرى ناقتى قانشا قاراجات بەرگەنىن ۇمىتىپ قالعاندارىن ايتقان. ال ءجاسوسپىرىم بولسا ءوزىنىڭ اقشاعا ساتىپ العان دوستارىن ساتپاۋدى ءجون كورگەن.