ورىستىڭ ءتول اقشاسى ديەۆالۆاسياعا ۇرىنا بەرەتىن بولادى. ولاي بولسا رەسەي تۇرعىندارىنىڭ تۇرمىس دەڭگەيى تومەندەي بەرەدى. شەتەلدىك تاۋارلاردى رەسەيلىكتەرگە الۋ قىمباتتاي بەرەدى. رەسەي ۇزاق ۋاقىتتىق داعدارىسقا ءتۇستى. بۇل داعدارىس 2007 جىلدان ايقىندالدى. سودان بەرى قاتەلىكتىڭ ۇستىنە قاتەلىك جاساي بەردى. سونىمەن، سول جىلدارى رەسەي ەڭ زور قاتەلىككە باردى. بۇل – جۇيەلىك قاتەلىكتەر سوقپاعى ەدى، دەپ حابارلايدى Qamshy.kz اقپارات اگەنتتىگى.

الدىمەن سول قاتەلىكتەردىڭ بىرنەشە العىشارتتارىن كەلتىرەيىك:

1.نارىقتىق ليبەرالدىق، قۇقىقتىق ، ساياسي ەركىندىك جولىنان تايۋ.

2.يمپەريالىق اسكەري – ساياسي ەكسپانسيالىق جولعا ءتۇسۋ. باتىس ەلدەرى (اقش پەن ەۆروپالىق وداق جانە ناتو) بىرلەستىكتەرىمەن كونفرونتاسياعا ءتۇسۋ. ەكونوميكانى ميليتاريزاسيا جولىنا ءتۇسىرۋ. رەسەيدىڭ ىشكى ساياساتىن توتالدىق پوليسەيلىك كۇشتىك قۇرىلىمداردىڭ قاداعالاۋ جولىنا اۋىسۋى. رەسەي ەكونوميكاسى اكىمشىلىك جولمەن باعىندىرىلىپ، الەمدىك فينانستىق-نارىقتىق پرينسيپتەرگە جۇگىنبەۋ.

3. رەسەي يدەولوگياسى – قۇندىلىقتار جولىنان تايىپ، اشىق شوۆينيزم مەن يمپەرياليستىك پيعىلعا كەتتى. الدىمەن رەسەي پوستكەڭەستىك ەگەمەن ەلدەردى باعىندىرىپ، كسرو-رەسەي يمپەرياسىنا اينالدىرۋ. بۇل ماقساتپەن رەسەي ۋكرايناعا اۋىز سالىپ، رەسەي قىرىمدى ۋكراينادان تارتىپ الدى دا، شىعىس ۋكراينادا لانكەستىك جاساۋدا.

اتالعان العىشارتتار رەسەيدە نارىقشىلدار (كۋدرين، نابيۋللينا ) مەن نارىقسىزدار كومانداسى (كاتاسونوۆ، دەلياگين، گلازيەۆ) اراسىندا كۇرەس كۇشەيىپ كەلەدى. ءپۋتيننىڭ ساياسي بەدەلى تومەندەپ كەلەدى، سوندىقتان ول بيلىكتەگى نارىقشىلدار (كۋدرين، نابيۋللينا ) ەكونوميستەر توبى بيلىكتەن تايىپ نارىقسىزدار كومانداسى (كاتاسونوۆ، دەلياگين، گلازيەۆ) كەلۋى مۇمكىن.

پۋتين بيلىگىنىڭ بىرنەشە ناتيجەسى بار:

1. رەسەيدىڭ گەوساياسي ىقپالى ىقشامدالدى. رەسەي ىقپالدى «سەگىزدىكتە» مۇشە ەمەس. رەسەي – «يزگوي» – شىققىنشى مەملەكەت دەپ اتالدى. رەسەيگە ەكونوميكالىق، فينانستىق، تەحنولوگيالىق سانكسيالار سالىندى.

2. رەسەيدە پروتەستىك پوتەنسيال كۇشەيدى. پروتەستىك قوزعالىستاردىڭ باس سەركەلەرىنىڭ ءبىرى – الەكسەي ناۆالنىي. رەسەيدە پۋتينگە قارسى اسكەري توڭكەرىس بولۋى ىقتيمال.

3. رەسەيدىڭ ىشكى جيىنتىق ءونىم رەيتينگىسىندە الەمدە 6-ورىننان 13-ورىنعا تومەندەدى. بۇل جاعداي رەسەيدىڭ كەمباعال مەملەكەتتەر قاتارىنا قوستى. رەسەي اقش-تىڭ رۇقساتىنسىز ەۆروپا قۇرلىعىنىڭ ورتاسىندا ۋكراينادان جاۋگەرشىلدىك جولمەن جەرىن قىرىمدى تارتىپ الىپ، دونباس تا گيبريدتىك، ديۆەرسيالىق سوعىس جۇرگىزگىپ كەلەدى.

رەسەيگە سالىنعان سانكسيالار رەسەي-قازاقستان ەكونوميكالىق قاتىناستارىنىڭ تومەندەۋىنە اكەلەدى. بۇرىن كەلىسىلگەن ەكونوميكالىق كەلىسىمدەردىڭ دە ورىندالۋى ەكىتالاي. ءبىزدىڭ ءشالابىلىمدى اناليتيكتەر مەن شالابىلگىر بولجاۋشىلار تاعى دا ءبىزدىڭ ەكونوميكانى قارا جەرگە وتىرعىزدى. العاشقى اقش پەن ەۆروپالىق وداق تاراپىنان رەسەيگە بەرىلگەن سانكسيالار باستالعان تۇستا رەسەيمەن ەكونوميكالىق جوسپارلاردى دوعارۋ كەرەك ەدى. ءبىزدىڭ ءورىستىلدى جانە ورىسشىل وكىمەتتىڭ ەكونوميكالىق سەكتور باسشىلارى ءالى رەسەيدەن ات باسىن تارتىپ، ەۆرازيالىق ەكونوميكالىق وداقتى ءىس جۇزىندە دوعارۋ كەرەكتىگىن ءتۇسىنۋ كەرەك. ديۆەرسيفيكاسيا: اقش، ەۆروپالىق وداق، جۇڭگو جانە ورتا ازيا مەن الىس شەت ەلدەر ءبىزدىڭ ەندىگى ەكونوميكالىق پارتنەرلىك باعىتتار.

ەكونوميستەردىڭ ىشىندە رەسەي جاقىن ۋاقىتتا كۇيرەيدى دەيتىندەر كوپ.  ەگەردە ولار ايتقانداي رەسەي كۇيرەسە – ءبىزدىڭ كۇيىمىز نە بولادى؟ رەسەي قۇرىسا، ول قانداي اۋرۋدان كەتەدى؟ قازاقستان رەسەيمەن جاقىن ءجۇردى، ونىڭ اۋرۋى بىزگە جۇققان جوق پا؟ ەگەردە رەسەيدىڭ اۋرۋى قازاقستانعا جۇقسا، وندا رەسەي مەن قازاقستان ءبىر اۋرۋمەن اۋىرعانى. وندا ەكى مەملەكەتتىڭ زاۋالى بىردەي. قۇداي ساقتاسىن!

ءازىمباي عالي