تۇرعىن ۇيلەرگە، الەۋمەتتىك-مادەني نىساندارعا جىلۋ بەرۋ، سونداي-اق سۋمەن قامتاماسىز ەتۋ جانە سۋ تارتۋ نىساندارى الداعى ماۋسىمداعى كەستەگە سايكەس جۇرگىزىلەدى دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

بۇل تۋرالى استانا قالاسىنىڭ اكىمى اسەت يسەكەشيەۆتىڭ توراعالىعىمەن وتكەن جينالىستا ءۇش اۋدان اكىمى مەن قالانىڭ ەنەرگيا نىساندارىنىڭ جانە قالالىق ۆەدومستۆو باسشىلارى باياندادى.

اۋدان اكىمدەرى ۆەدومستۆوعا قاراستى اۋماقتاعى اعىمداعى جاعداي مەن قالانىڭ كوپ پاتەرلى تۇرعىن ءۇي قورىنىڭ الداعى ماۋسىمعا 2017-2018 جىلداردىڭ كۇز-قىس كەزەڭىنە دايىندىعى تۋرالى ايتىپ بەردى.

2017-2018 جىلدىڭ ەنەرگيا كوزدەرىنىڭ، جىلۋ جانە ەلەكترمەن قامتۋ جەلىلەرىنىڭ جىلىتۋ ماۋسىمىنا دايىندىعى جونىندە ەلوردالىق ەنەرگيا نىساندارىنىڭ باسشىلارى باياندادى. ولاردىڭ ىشىندە «استانا-ەنەرگيا» اق، «استانا-تەپلوترانزيت» اق، «استانا-رەك» اق، «استانا قالالىق جارىق» ج ش س، «استانا سۋ ارناسى» مكم، اتومدىق جانە ەنەرگەتيكالىق قاداعالاۋ جانە باقىلاۋ كوميتەتىنىڭ استانا قالاسى بويىنشا دەپارتامەنتىنىڭ جەتەكشىلەرى ەسەپ بەردى.

«استانا تەپلوترانزيت» مالىمەتىنشە، بۇگىنگى تاڭدا تراسسا بويىنشا قىزمەت كورسەتەتىن جىلۋ جۇيەسىنىڭ قاشىقتىعى 696،655 شاقىرىمدى قۇرايدى. كاسىپورىن ءبىرقاتار جۇمىستار جۇرگىزگەن: جىلۋ جۇيەلەرىن توزىمدىلىك پەن تىعىزدىلىققا گيدراۆليكالىق سىناقتان وتكىزۋ (قىسىممەن تەكسەرۋ)، جالپى ۇزىندىعى 1 230 تەكشە مەتر جىلۋ ءبولۋ جۇيەلەرىنە كۇردەلى جوندەۋ جۇرگىزىلىپ، «ەنەرگيا ۇنەمدەۋ» باعدارلاماسى بويىنشا جالپى اۋماعى 2 572 م2 جىلۋ وقشاۋلاعىش قالىپقا كەلتىرىلدى.

بۇگىنگى تاڭدا 52 جىلۋ ماگيسترالىنىڭ 48-نە سىناق جۇرگىزىلدى، بۇل بارلىق كولەمنىڭ 92% قۇرايدى. قالعان 4 جىلۋ ماگيسترالىن 29 قىركۇيەككە دەيىن سىناۋ جوسپارلانۋدا. ەنەرگيا كوزدەرىنىڭ جالپى دايىندىعى 67% قۇرايدى، ونىڭ ىشىندە جەس-1 - 66%، جەس-2 - 62%، اۋداندىق قازاندىقتار - 73%.

جەس-1-دە كومىر قورى 36 766 توننانى قۇرايدى. (101% نەمەسە 20 تاۋلىكتىك قوردان 20،3 كۇن 36 140 توننا)، - 4122 توننا (5819 - قور)؛ جەس-2-دە – كومىر قورى 313 263 توننا (162% نەمەسە 20 تاۋلىكتىك قوردان 33 كۇن 185 420 توننا)، مازۋت 1513 توننا.

ەلەكتر جەلىلەرىنىڭ دايىندىعى – 37،1%، جىلۋ جۇيەلەرى – 72،5%، سۋمەن قامتاماسىز ەتۋ جۇيەلەرى – 63،5%، سۋ تارتۋ جەلىلەرى – 45% ءازىر. 

بۇگىنگى تاڭدا استانانىڭ ورتالىقتاندىرىلعان جىلۋ جۇيەسىنە قوسىلعان 2567 الەۋمەتتىك نىسانىنىڭ 2334 نىسانى جىلىتۋ ماۋسىمىنا دايىن، بۇل 91% قۇرايدى. ونىڭ ىشىندە: 
تۇرعىن ءۇي قورى – 2360 نىساننان 2132ء-ى نەمەسە 90% دايىن؛

دەنساۋلىق ساقتاۋ نىسانى – 35 نىساننان 35 دايىن نەمەسە 100% دايىن؛

ءبىلىم نىساندارى – 159 نىساننان 155 دايىن نەمەسە 97% دايىن؛

مادەنيەت نىساندارى – 13 نىساننان 12 نەمەسە 92% دايىن.

2017 جىلعا ينۆەستيسيالىق باعدارلاما اياسىندا 8 نىسان كولەمىندە توراپتىق جانە ءبولۋ جەلىلەرىن قايتا قالىپقا كەلتىرۋ قاراستىرىلعان.

ايتا كەتەيىك، استانا اكىمى اي سايىن جىلىتۋ ماۋسىمىنا دايىندىق بويىنشا جينالىستار وتكىزىپ تۇرادى. العاشقى وتىرىستار وسى جىلدىڭ ماۋسىم، شىلدە ايلارىندا ءوتتى.