بىردە ءبىر ايەل ۇيىنە قايتىپ بارا جاتىپ، كوشەدەن قولىنا شىبىق الىپ، جەر سىزىپ وتىرعان ءبىر بالانى كورەدى. قاسىنان ءوتىپ بارا جاتىپ، قىزىقتاپ:
– بالاقاي، نە ىستەپ وتىرسىڭ؟ – دەپ سۇرايدى. بالا دا:
– ءجانناتتى تەلىمدەپ ساتىپ وتىرمىن، – دەپ جاۋاپ بەرەدى. بالانىڭ جاۋابىنا ريزا بولىپ، ەزۋ تارتقان ايەل:
– ماعان دا ءجانناتتان ءبىر جەر تەلىمىن بەرسەڭ قايتەدى؟
-- قانشا تۇرادى؟ – دەپ سۇرايدى ايەل.
– ەكى مىڭ تەڭگە، اپكە، – دەيدى بالا.

ايەل دە بالاعا 2000 تەڭگە ۇستاتىپ، ءوز جولىنا كەتە بارادى.

ايەل ۇيىنە كەلەدى. جولداعى وقيعانى باياعىدا ۇمىتىپ كەتكەن. سول ءتۇنى ايەل ءتۇس كورەدى. تۇسىندە... ءجانناتتا ءجۇر ەكەن.

ەرتەسى كۇنى ءتۇسىن كۇيەۋىنە ايتىپ بەرەدى. كۇيەۋى دەرەۋ بالانىڭ وتىرعان جەرىنە بارادى.

بارسا، بالا ءدال سول جەردە جەرگە بىردەڭەلەر سىزىپ وتىر ەكەن. ادام دا بالاعا تۋرا ايەلىنىڭ سۇراعىن قويادى.
– نە ىستەپ وتىرسىڭ؟

بالا ايەلىنە جاۋاپ بەرگەن جاۋاپتى ايتادى. ادام:
– ماعان دا ءجانناتتان ءبىر جەر تەلىمىن بەرسەڭ قايتەدى، قانشا تۇرادى؟ – دەپ سۇرايدى.

بالا:
– مىڭ تريلليون تەڭگە، – دەپ جاۋاپ بەرەدى.
– نە دەپ تۇرسىڭ سەن؟ ايەلىمە 2000 تەڭگە دەپسىڭ عوي؟
بالا:
– الايدا، ايەلىڭ ول اقشانى ءجانناتتى الۋ ءۇشىن ەمەس، كوڭىلىمدى تابۋ ءۇشىن بەردى، – دەيدى.
– سەن ءجانناتتى وسىنشاما ارزان دەپ ويلادىڭ با؟ ءجاننات ارزان دا ەمەس، قىمبات تا ەمەس. ءجاننات الۋ – كوڭىل تابۋدان بولادى، – دەپ جاۋاپ بەرەدى بالا.

وسى حيكايادان كەيىن ءماۋلانانىڭ مىنا ءسوزى ويعا ورالادى:
«قاعبا ازەردىڭ ۇلى ءيبراھيمنىڭ قالاعان عيماراتى. ال كوڭىل بولسا، اللاھ تاعالانىڭ نازارى تۇسەتىن مەكەنى. سول سەبەپتى، بىرەۋدىڭ كوڭىلىن بۇزۋ مىڭ قاعبانى قيراتۋدان دا جامان».