گەرمانيا استاناسى ماڭىنداعى شەنەبەرگ اۋدانىندا ەكىنشى دۇنيەجۇزىلىك سوعىس كەزىنە تيەسىلى سنارياد تابىلعاننان كەيىن جارىلعىش زاتتى ىستەن شىعارۋ ءۇشىن 10 مىڭ ادام ءقاۋىپسىز جەرگە كوشىرىلدى، دەپ جازادى Qamshy.kz اقپارات اگەنتتىگى Tagesspiegel مالىمەتىنە سۇيەنىپ.
بومبا 2 قازان كۇنى ساعات 11.30 شاماسىندا ۆيلمەرسدورف تەمىر جول ستانساسى ماڭىندا قۇرىلىس جۇمىستارى بارىسىندا تابىلدى.
سالماعى 250 كەلى بولاتىن جارىلعىش زات ەسكى تەمىر جول رەلستەرىنىڭ استىندا جاتقان. پوليسيا قىزمەتكەرلەرى جەرگىلىكتى تۇرعىنداردى ءقاۋىپسىز جەرگە كوشىرۋدى 17:20 شاماسىندا باستاعان.
سونىمەن قاتار، اتالمىش اۋداندا كولىك قوزعالىسى دا توقتاتىلعان.
