قازاقستان رەسپۋبليكاسى اقپارات جانە كوممۋنيكاسيالار مينيسترلىگىنىڭ قولداۋىمەن «قازمەديا ورتالىعى» xالىقارالىق مەديا-xابىنىڭ اۋماعىندا Astana Media Week ءبىرىنشى قازاقستاندىق مەديااپتالىق ءوز جۇمىسىن باستادى.

قازاقپارات ءتىلشىسىنىڭ حابارلاۋىنشا، شارانىڭ اشىلۋ راسىمىنە قاتىسقان ق ر اقپارات جانە كوممۋنيكاسيالار ءمينيسترى داۋرەن ابايەۆ تۇڭعىش رەت ۇيىمداستىرىلىپ وتىرعان مەديااپتالىق تەك قازاقستاندا عانا ەمەس، ايماقتاعى ورتاق مەديا نارىقتى قالىپتاستىرۋعا جانە ودان ءارi دامىتۋعا نەگiز بولادى دەپ سەنەتىندىگىن باسا ايتتى.

«وسى ورايدا ەڭ الدىمەن بۇگiنگi جيىنعا ارنايى كەلگەن شەتەلدiك ءارiپتەستەرiمiزگە العىس ايتامىز. قازاقستان پرەزيدەنتi نۇرسۇلتان نازاربايەۆتىڭ تاپسىرماسىمەن iرگەسi قالانعان «قازمەديا» ورتالىعى الداعى ۋاقىتتا ايماقتاعى ىقپالدى مەدياحاب رەتiندە ۇلكەن ءرول اتقارماق. Astana Media Week وسى ورتالىق اياسىنداعى بiرەگەي مەدياعا اينالادى دەپ سەنەمiز. تۇتاستاي العاندا بۇگiنگi شارانىڭ باستى ماقساتى وتاندىق مەديا نارىقتى دامىتۋ عانا ەمەس، مادەني جانە اقپاراتتىق بايلانىستاردى دا تەرەڭدەتۋ. بiرنەشە كۇنگە سوزىلاتىن جيىندى وسى سالاداعى سوڭعى وزگەرiستەر مەن سيفرلىق تەحنولوگيالاردى دامىتۋ، ءوڭiرلiك باق-تىڭ ماسەلەلەرi تالقىلانادى. وسىنىڭ بارلىعى قاتىسۋشىلار ءۇشiن وزىق ءتاجiريبەمەن تانىسىپ، شەبەرلiگiن شىڭداۋعا، جاڭا تەحنولوگيالاردى ەل يگiلiگiنە جاراتۋعا بەرiلگەن ۇلكەن مۇمكiندiك»، - دەدى داۋرەن ابايەۆ.