كاۆكازدا  قالىڭدىقتى الىپ قاشۋ ءداستۇرى بار. بىرنەشە عاسىرلىق تاريحى بار بۇل ءداستۇر  ەكى عاشىق بىر-بىرىمەن كەلىسە وتىرىپ نەمەسە تۋىسقاندارىمەن كەلىسە وتىرىپ جۇرگىزىلەدى. الايدا، كوپ جاعدايدا قالىڭدىق ءوز ەركىنەن تىس ۇرلانادى. اتا-اناسىنىڭ، قالىڭدىقتىڭ  كەلىسىمىنسىز  الىپ قاشۋ كەزىندە كۇيەۋ جىگىت مۇلدە تانىس ەمەس ادام بولۋى دا ىقتيمال. قىزدى الىپ قاشقان سوڭ، اتا-اناسى ونى كۇيەۋىنىڭ ۇيىندە قالدىرۋعا كوندىرەدى، سەبەبى ولار حالىق اراسىندا تارالاتىن وسەكتەن ۇيالادى. Qamshy.kz  اقپارات اگەنتتىگى  "ۇرلانعان" قالىڭدىقتاردىڭ وقيعالارىن لەنتا.رۋ-عا سىلتەمە بەرىپ ۇسىنادى.

مزيا

«مەن 15 –تە بولاتىنمىن. ءقازىر 21-دەمىن. كۇيەۋىم مەنى تاۋلى باكو دەگەن جەردەن كورىپ قالعان. سول كەزدە مەنىمەن ءبىرىنشى رەت سويلەستى. سودان كەيىن ۇرلاپ كەتتى. كولىگىنە وتىرعىزىپ الىپ كەتە باردى. ولار بەس ادام بولدى، مەنىڭ شامام كەلگەن جوق. وتە ەرتە تۇرمىسقا شىققىم كەلگەن جوق. الايدا، ەر ادام كۇشتىرەك قوي.. ءقازىر 2 بالامىز بار»

دالي

«مەنى 14 جاسىمدا الىپ قاشتى. بولاشاق كۇيەۋىمدى تانىمايتىنمىن. مەنى ءبىر رەت جەرگىلىكتى مەيرامحانالاردىڭ بىرىندە كورىپ قالعان. سودان كەيىن الىپ قاشتى. قارسىلىق كورسەتتىم، سوققى الدىم.. كەلىستىم، سەبەبى جاس ەدىم. مەنى تاۋعا الىپ كەتتى. تويىمىز بولعان جوق.

ءقازىر ەكى بالامىز بار: قىز بەن ۇل. ءقازىر 26-دامىن. مەن بۇنى رومانتيكالىق جاقسى ءداستۇر دەپ سانامايمىن»-دەيدى.

لالي

«ءقازىر 21-دەمىن. 18 جاسىمدا مەنى الىپ قاشتى.  مەن ونى مۇلدەم تانىمايتىنمىن. قارسىلىق كورسەتتىم، الايدا ول تۋىستارىما حابارلاسىپ، كەلىستى. توي بولعان جوق. ءقازىر وتباسىن تۇرعانىمىزعا 3 جىل بولدى، ەشقانداي وكپەم جوق.

تەونا

«كورشى اۋىلدا جۇرگەندە ءبىر-بىرىمىزدى كورىپ قالدىق. ول مەنىڭ قاسىما كەلىپ: ءجۇر، مەنىمەن بىرگە باراسىڭ! بىرگە تۇرامىز، بىرگە ءومىر سۇرەمىز!-دەدى. مەن كەلىستىم. الىپ قاشقان كەزدە مەن 15 جاستا ەدىم. بىرگە بولعانىمىزعا 10 جىل بولدى. ءۇش بالامىز بار».