ايگىلى فۋتبولشى كريشتيانۋ رونالدۋ مەن رەسەيلىك سانبيكە يرينا شەيكتىڭ ماحاببات حيكاياسى «مارەسىنە جەتكەن» سەكىلدى. باتىستىق باسىلىمدار قوس عاشىقتىڭ ايىرىلىسىپ تىنعانى تۋرالى باستى بەتتەرىندە جازا باستادى.

يسپاندىق El Mundo باسىلىمى فۋتبولشى مەن سانبيكەنىڭ ايىرىلىسۋىنا بايلانىستى ءتۇرلى جورامالداردى ءتىزىپ شىققان. ولاردىڭ ايىرىلىسىپ كەتكەنىن - «التىن دوپ» يەگەرىن انىقتايتىن سالتاناتتى كەشكەرونالدۋدىڭ جالعىز كەلۋىمەن بايلانىستىرىپ وتىر. ال يرينا شەيك بولسا، 29 جاسقا تولعان تۋعان كۇنىن جالعىز اتاپ ءوتىپتى. سونىمەن قاتار، الەۋمەتتىك جەلىگە ءۇش ءتۇرلى شوق گۇلىمەن قوسا، «ومىرىمدە ءبىرىنشى رەت مۇنداي سىي الدىم» دەپ جازبا قالدىرعان. ودان وزگە رەسەيلىك سانبيكەنىڭ رونالدۋدىڭ اناسىنىڭ تۋعان كۇنىنە كەلمەگەنىن دە مىسالعا العان.

باتىستىق كەي اقپارات قۇرالدارى يرينا شەيكتىڭ الەۋمەتتىك جەلىدەگى «ارەكەتتەرىنەن-اق» ايىرىلىسىپ كەتكەندەرى اقيقات دەپ حابارلاۋدا. سەبەبى، 2013 جىلى مادريدتىك «رەال» شابۋىلشىسى «التىن دوپتى»يەلەنگەندە «مەنىڭ جىگىتىم جەڭىمپاز» دەپ جاھانعا جار سالعان بولاتىن. ال بيىل رونالدۋدى مۇلدە ۇمىت قالدىرعان. ەشبىر الەۋمەتتىك جەلى ارقىلى قۇتتىقتاماعان دا كورىنەدى.

ايتا كەتەيىك، كريشتيانۋ رونالدۋ «التىن دوپ» الدىندا «Globe Soccer Awards» جۇيەسىندە ۇزدىك فۋتبولشى بولىپ تانىلعان دۋبايداعى سالتاناتتى كەشكە دە جالعىز بارعان بولاتىن.

كريشتيانۋ رونالدۋ مەن يرينا شەيك اراسىنداعى ماحاببات حيكاياسى - 2010 جىلعى «Armani» جارناماسىنا تۇسكەننەن كەيىن وربىگەن ەدى.

دەرەككوز: massaget.kz