بوكستان ابسوليۋتتى الەم چەمپيونى مايك تايسون مادوننامەن ءان جازدى. بۇل تۋرالى ءانشىنىڭ Facebook-تەگى رەسمي پاراقشاسىنان حابارلاندى.
اقش بوكسشى، مادوننا جانە Chance the Rapper لاقاپ اتىمەن ونەر كورسەتەتىن رەپەر چانسەلور بەننەتتپەن بىرگە Iconic كومپوزيسياسىن جازۋعا قاتىستى.
ءان Rebel Heart البومىنا ەنەدى، ونىڭ تولىق نۇسقاسىنا 2015 جىلدىڭ 10 ناۋرىزىندا عانا قول جەتكىزۋگە بولادى. وتكەن جىلدىڭ جەلتوقسانىندا بەلگىسىز بىرەۋلەر جاڭا پلاستينكاعا ەنگىزىلەتىن اندەردىڭ كوپ بولىگىن عالامتورعا جاريالاپ جىبەرگەن.
مايك تايسون بوكس تاريحىنداعى اتاقتى سپورتشىلاردىڭ ءبىرى. ول گيننەستىڭ رەكوردتار كىتابىنا ەندى. سپورتتاعى مانسابىن 2005 جىلى اياقتاعان. "قازينفورم"
پىكىر قالدىرۋ