الەم بويىنشا وقىلىمى ەڭ جوعارى اقپارات - كەز كەلگەن ەلدەگى پرەزيدەنتتىڭ تاعدىرىنا، ونىڭ ومىرىنە قاتىستى وقيعا. ارينە، الەمدە قانشا مەملەكەت بولسا، سونشا باسشىسى بارى انىق. سوندىقتان بارلىعىن تۇگەندەپ شىعۋ مۇمكىن ەمەس. دەگەنمەن ەل تىزگىنىن ۇستاعان ءبىراز جاندارعا قاتىستى ازدى-كوپتى اقپارات بەرۋدى ءجون كوردىك.
- فرانسيانىڭ بۇرىنعى پرەزيدەنتى نيكوليا ساركوزي 2012 جىلعى سايلاۋ الدى ناۋقانىن قارجىلاندىرۋعا بايلانىستى "بيگماليون" ءىسى بويىنشا سوت الدىندا جاۋاپ بەردى. تەرگەۋ جۇمىستارى بارىسىندا انىقتالعانداي ول پايدالانۋى ءتيىس €22،5 ملن قارجىنىڭ ورنىنا €40 ملن اقشا جۇمساعان.
- ەستونيا پرەزيدەنتى كەرستي كاليۋلايد الاياقتاردىڭ قۇربانىنا اينالدى. الاياقتار ونىڭ قىزمەتتىك بانك كارتاسىن بۇزىپ، امەريكالىق Ross Stores دۇكەنىندە 2،8 مىڭ ەۋروعا ساۋدا جاساعان.
- فرانسيادا ەل پرەزيدەنتى فرانسۋا وللاند ءسوز سويلەپ تۇرعاندا پوليسيانىڭ مىلتىعى بايقاۋسىزدا اتىلىپ كەتىپ، وق داياشى مەن ءبىر قىزمەتكەرگە ءتيدى.
- ال حاكەرلەر وسى پرەزيدەنتتىڭ Facebook اككاۋنتىن بۇزىپ، ونىڭ پاراقشاسىنا 7 مامىرعا بەلگىلەنگەن «فرانسۋا وللاندتىڭ وتستاۆكاعا كەتۋى قۇرمەتىنە ۇيىمداستىرىلعان كەش» اتتى ءىس-شاراعا شاقىرۋ جاريالاعان.
- برازيليانىڭ فەدەرالدى جوعارعى سوتىنىڭ سۋدياسى ەدسون فاكين جەمقورلىق فاكتىسى بويىنشا كۇدىككە الىنعان ەل پرەزيدەنتى ميشەل تەمەردىڭ ۇستىنەن قىلمىستىق ءىس قوزعاۋعا رۇقسات بەردى.
- كوستا-ريكا پرەزيدەنتى لۋيس گيلەرمو سوليس ريۆەرا تىلشىلەرگە سۇحبات بەرىپ تۇرىپ، ۇشىپ جۇرگەن ارانى جەپ قويدى.
- جۇڭگو كومپارتياسىنىڭ 19-سەزىنىڭ شەشىمىنە سايكەس سي سزينپين قكپ وك باس حاتشىسى بولىپ قايتا سايلاندى.
- تۇرىكمەنستان پرەزيدەنتى گۋربانگۋلى بەردىمۇحامەدوۆ رەسەي پرەزيدەنتى ۆلاديمير ءپۋتيندى وتكەن تۋعان كۇنىمەن قۇتتىقتاپ، وعان «ۆەرنىي» دەگەن الاباي كۇشىگىن سىيعا تارتتى.
- C-SPAN زەرتتەۋ دەرەگى بويىنشا امەريكالىق تاريحشىلار باراك وبامانى اقش پرەزيدەنتتەرىنىڭ رەيتينگىندە 12-ورىنعا لايىق دەپ تاپتى. ءبىر قىزىعى كوشباسشىلار رەيتينگى بويىنشا دونالد ترامپ ەڭ تومەنگى كورسەتكىشتى كورسەتتى. ول اقش پرەزيدەنتتەرى اراسىنداعى سوڭعى 70 جىل ىشىندەگى ەڭ تانىمال ەمەس مەملەكەت باسشىسى دەگەن اتقا يە بولدى.
- ۇكىمەت اسكەرى وكىلدەرىنىڭ كيىمدەرىن كيگەن 50-گە جۋىق سودىر فيليپپين پرەزيدەنتى رودريگو دۋتەرتەنىڭ كۇزەتى مەن ەكى اۆتوكولىككە وق جاۋدىردى. شابۋىل بارىسىندا جەتى اسكەري قىزمەتكەر جاراقات الدى.
- اقش-تىڭ بۇرىنعى پرەزيدەنتى بيلل كلينتون ۇلكەن جانە كىشى دجوردج بۋشتارعا ورناتىلعان ەسكەرتكىشتەردىڭ جانىندا سۋرەتكە ءتۇستى. ەكى بۋشتىڭ اراسىنان سىعالاپ تۇرعان كلينتوننىڭ بەينەسى ب ا ق پەن الەۋمەتتىك جەلى قولدانۋشىلارىن كۇلكىگە قارىق قىلدى.
- ساۋد ارابياسىنىڭ كورولى سالمان تاق مۇراگەرىن اۋىستىردى، ەندى مۋحاممەد بەن نايفتىڭ ورنىنا 31 جاستاعى ءوزىنىڭ ۇلى مۋحاممەد بەن سالمان تاعايىندالدى.
- سامارقاندتا وزبەكستاننىڭ تۇڭعىش پرەزيدەنتى يسلام كاريموۆتىڭ ەسكەرتكىشى ورناتىلدى. ەسكەرتكىشتىڭ اشىلۋ سالتاناتىنا مەملەكەت باسشىسى شاۆكات ميرزيەيەۆ قاتىستى.
- ۆاشينگتوندا قىرعىزستاندىق ازامات اقش پرەزيدەنتى اۆراام لينكولننىڭ مەموريالىنا ەسىمىن ويىپ جازعان. وقيعا 2017 جىلدىڭ 8 قىركۇيەگىندە بولدى.
- اقش-تىڭ بۇرىنعى مەملەكەتتىك حاتشىسى حيللاري كلينتون بىلتىرعى پرەزيدەنتتىك ناۋقان تۋرالى مەمۋارلارىن جارىققا شىعاردى. كىتاپ "What Happened؟" («نە جاعداي بولدى؟») دەپ اتالادى.
- يتاليانىڭ بولونيا قالاسىنا بارعان ريم پاپاسى فرانسيسكونىڭ كەلۋى قۇرمەتىنە جايىلعان قايىرىمدىلىق داستارحانى كەزىندە ءقاۋىپتى قىلمىسكەر سانالاتىن ەكى نەاپول تۋماسى قاشىپ كەتكەن. تۇسكى اسقا مىڭداعان ادام شاقىرىلعان. شارا سوڭىندا تۇرمە باقىلاۋشىلارى قىلمىسكەرلەردىڭ قاشىپ كەتكەندىگىن انىقتادى.
- فرانسۋز پولينەزياسى ارالىنا اتتانعان اقش-تىڭ بۇرىنعى پرەزيدەنتى باراك وباما وزىنەن كەيىنگى سايلانعان پرەزيدەنت دونالد ترامپتىڭ ساياساتىنا كوڭىلى تولمايتىنىن ءبىلدىرىپ، ەلدىڭ ساياسي ومىرىنە قايتا ورالاتىنىن ايتتى.
- «حارۆي» داۋىلىنان زارداپ شەككەن كوللەدج-ستەيشەن قالاسىندا قايىرىمدىلىق كونسەرتى ۇيىمداستىرىلدى. وعان اقش-تىڭ بۇرىنعى پرەزيدەنتتەرى دجيممي كارتەر، بيلل كلينتون، ۇلكەن دجوردج بۋش جانە ونىڭ ۇلى كىشى بۋش، سونداي-اق باراك وباما قاتىستى.
- زيمبابۆە پرەزيدەنتى روبەرت مۋگابە وتستاۆكاعا كەتكەننەن كەيىن الەمدەگى ەڭ قارت مەملەكەت باسشىسى رەتىندە ۇلىبريتانيا پاتشايىمى ءىى ەليزاۆەتا تاڭدالدى. ول 91 جاستا. ەكىنشى ورىندا 90 جاستاعى تۋنيس پرەزيدەنتى بەدجي كايد اس-سەبسي. ءۇشىنشى ورىندا كۋۆەيت ءامىرى ساباح ءال-احماد ال-دجابەر ءاس-ساباح تۇر. ونىڭ جاسى 88-دە. ودان كەيىنگى ورىنداردا كامەرۋن پرەزيدەنتى پول بيييا (84)، ليۆان پرەزيدەنتى ميشەل اۋن (84)، جاپونيا يمپەراتورى اكيحيتو (83)، ساۋد ارابياسىنىڭ كورولى سالمان بەن ابدۋلازيز (81) تۇر.
- ۋكراينا گرۋزيانىڭ بۇرىنعى پرەزيدەنتى ميحايل سااكاشۆيليگە بوسقىن مارتەبەسىن بەرۋدەن باس تارتتى. بۇل جايلى جۋرناليستەرگە ۋكراينانىڭ باس پروكۋرورى يۋريي لۋسەنكو ءمالىم ەتتى.
- ۇلكەن دجوردج بۋش اقش-تىڭ كوزى ءتىرى بۇرىنعى پرەزيدەنتتەرى اراسىنداعى ەڭ قارت ەكس-پرەزيدەنت اتانىپ، امەريكا تاريحىندا ءوز رەكوردىن ورناتتى.
- برازيليا پرەزيدەنتى ميشەل تەمەرگە ۋرولوگيالىق اۋرۋىنا بايلانىستى جاسالعان وتا ءساتتى ءوتتى.
پىكىر قالدىرۋ