بوكس الەمىندەگى دارا تۇلعا، 1974-1978 جىلدارى ارالىعىندا اۋىر سالماقتاعى الەمنىڭ ءابسوليۋتتى چەمپيونى مۇحاممەد ءاليدىڭ چەمپيوندىق تيتۋلدى العاش رەت قورعاعان كەزدە كيگەن بىلعارى قولعابى ءباسساۋداعا شىعارىلادى، دەپ حابارلادى Associated Press.

ساۋدا 21 اقپاندا نيۋ-يوركتەگى Heritage Auctions اۋكسيون ۇيىندە وتكىزىلەدى. ول ميلليون دوللاردان استام قاراجاتقا باعالانادى دەپ كۇتىلۋدە.

1965 جىلى 25 مامىردا كاسسيۋس كلەي اتىمەن شىعىپ جۇرگەن اۋىر سالماقتاعى ءالي وسى قولعاپتى كيىپ اتىشۋلى سوني ليستوندى جەڭگەن. ءبىرىنشى كەزەڭدە ءالي قارسىلاسىن نوكاۋتقا جىبەرگەن بولاتىن.

بۇعان دەيىن دە 2014 جىلدىڭ تامىزىندا كليۆلەندتەگى ءباسساۋدادا ءاليدىڭ دجو فرەيزەرمەن كەزدەسكەندە كيگەن قولعابى ساتىلعان بولاتىن. بەلگىسىز بىرەۋ بۇل لوتتى 388،3 مىڭ دوللارعا ساتىپ العان .

نازەركە توعجانوۆا

دەرەككوز: قازاقپارات