ەلباسى نۇرسۇلتان نازاربايەۆ «بولاشاققا باعدار: رۋحاني جاڭعىرۋ» اتتى ماقالاسىندا جاھاندانۋ داۋىرىندەگى قازاقستاندىق مادەنيەتتىڭ بۇگىنى مەن بولاشاعىنا ۇلكەن ءمان بەرەدى. «ءبىز ءححى عاسىردىڭ جاھاندىق كارتاسىندا ەشكىمگە ۇقسامايتىن، دەربەس ورنى بار ۇلت بولامىز دەسەك، «جاھانداعى زاماناۋي قازاقستاندىق مادەنيەت» جوباسىن ىسكە اسىرۋعا ءتيىسپىز. الەم ءبىزدى قارا التىنمەن نەمەسە سىرتقى ساياساتتاعى ءىرى باستامالارىمىزبەن عانا ەمەس، مادەني جەتىستىكتەرىمىزبەن دە تانۋى كەرەك» دەلىنگەن ماقالادا.              

وسى باعدارلامادا كورسەتىلگەن ماقسات-مىندەتتەردى ىسكە اسىرۋ اياسىندا ق ر ۇلتتىق كىتاپحاناسىنىڭ باستاماسىمەن جانە ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ قولداۋىمەن قازاقستان مەن كۋۆەيت اراسىنداعى مادەني ارالىق بايلانىستاردى نىعايتۋعا ۇلكەن قادام جاسالدى. ال-كۋۆەيت قالاسىندا 11-15 قاڭتاردا جىل سايىن ۇيىمداستىرىلاتىن ال-كارين فەستيۆالىنە قازاقستاننىڭ «استانا-وپەرا» سيمفونيالىق وركەسترى قاتىسىپ، ەلىمىزدىڭ تانىمال ونەر قايراتكەرلەرى مايرا مۇحامەد قىزى، مەدەت شوتابايەۆ، ابزال مۋحيتدينوۆ، ايسۇلۋ ءابىلحانوۆا، رۋسلان بايمۋرزين جانە ت.ب.  ونەر كورسەتتى. وركەستر قۇرمانعازى ساعىربايەۆ، نۇرعيسا تىلەندييەۆ سياقتى تانىمال قازاق كومپوزيتورلارىنىڭ تاڭعاجايىپ شىعارمالارىن ورىنداپ، ونەر سۇيەر قاۋىمىنىڭ زور قوشەمەتىنە يە بولدى.              

كۋۆەيت مەملەكەتىندە وتكەن ال-كارين فەستيۆالى شىن دارىندىلاردىڭ باسىن قوسىپ، ەرەكشە فورماتتا ۇيىمداستىرىلعان. ال ەلىمىزدىڭ وركەسترى ۇلتىمىزدىڭ تاڭعاجايىپ شىعارمالارىن ورىنداپ، كۋۆەيت جۇرتشىلىعىنىڭ تاڭدايىن قاقتىردى.              

– كۋۆەيتتە جىل سايىن 11-15 قاڭتاردا وتكىزىلەتىن  ال-كارين فەستيۆالى جوعارى دەنگەيدە ءوتتى. كۋۆەيت وتە باي، داۋلەتتى xالىق ەكەن. وكىمەتتىڭ ونەرگە، بىلىمگە بولىنگەن قاراجاتتارى مەن بولاشاق ۇرپاعىنا قالدىرعان مۇراسىن ەستىسەڭىز، عاجايىپ، ادام بالاسى سەنگىسىز سيفرلار! كونسەرت كەرەمەت ءوتتى! كورەرمەندەر قيماستىقپەن زالدان ارەڭ كەتتى. ايتپاقشى، كۋۆەيتتە كەرەمەت وپەرا تەاترى بار ەكەن، ماعان وپەرا ايتۋعا ۇسىنىس جاسادى، - دەيدى مايرا مۇحامەد قىزى.               

سونىمەن قاتار، 14 قاڭتاردا ق ر ۇلتتىق كىتاپحاناسى مەن حالىقارالىق ايەلدەر توبى (International Women’s Group) بىرلەسىپ، مادەنيەت جانە سپورت مينيسترلىگى جانە قازاقستاننىڭ كۋۆەيتتەگى ەلشىلىگىنىڭ قولداۋىمەن «Kazakhstan Time» قازاقستان كۇنىن ۇيىمداستىردى.    

قازاقستان كۇنى اياسىندا كۋۆەيت ۇلتتىق كىتاپحاناسىمەن ەكىجاقتى كەزدەسۋلەر ءوتىپ، كەلىسسوزدەر جۇرگىزىلدى. قازاقستاندىق دەلەگاسيا كۋۆەيت ۇلتتىق كىتاپحاناسىنىڭ ديرەكتورى كەمال مىرزامەن كەزدەسىپ،  كىتاپxانا جۇمىستارىمەن تانىستى، تاراپتار ارىپتەستىك ىنتىماقتاستىققا كەلىستى. ق ر ۇلتتىق كىتاپحاناسى مەن ءال-باپتين اراب پوەزياسى ورتالىق عىلىمي كىتاپحاناسىندا، مادەنيەت جانە كىتاپحانا سالاسىنداعى ىنتىماقتاستىق تۋرالى مەموراندۋمعا قول قويۋ ءراسىمى ءوتتى.              

– ەندى ەكى كىتاپxانانىڭ ماماندارى كونە قولجازبالاردى زەرتتەۋ تاجىريبەلەرىمەن، ماماندارمەن، سونداي-اق سيرەك كىتاپتار مەن قولجازبالاردىڭ كوشىرمەلەرىمەن الماساتىن بولادى. بۇل جەتىستىك ءبىز ءۇشىن زور مارتەبە، - دەيدى ق ر ۇلتتىق كىتاپحاناسىنىڭ ديرەكتورى جانات سەيدۋمانوۆ.              

كۋۆەيت مەملەكەتىندەگى قازاقستان كۇنى اياسىندا وتكەن شارالار جەرگىلىكتى بۇقارالىق اقپارات قۇرالدارىنىڭ نازارىندا بولدى. اتاپ ايتقاندا، ەكى ەل اراسىنداعى قارىم-قاتىناستىڭ نىعايۋىنا سەبەپ بولعان ماڭىزدى شارالار كۋۆەيت ەلىنىڭ 11 ءباسپاسوزى مەن ۇلتتىق ارنالارىنان بەرىلىپ، حالىققا كەڭىنەن ناسيحاتتالدى.              

بيىل قازاقستان رەسپۋبليكاسى مەن كۋۆەيت مەملەكەتى اراسىنداعى ديپلوماتيالىق قارىم-قاتىناستىڭ ورناۋىنا 25 جىل تولۋدا. وسى ايتۋلى ماڭىزدى وقيعاعا وراي ەندى ەكى ەل اراسىنداعى مادەني بايلانىس نىعايىپ، ورتاق تاريحي تامىر، مادەنيەت پەن ءداستۇردى بىرىكتىرۋدە.             

ق ر ۇلتتىق كىتاپحاناسى ۇلتتىق قۇندىلىقتارىمىز بەن رۋحاني بايلىعىمىزدى شەت مەملەكەتتەرگە تانىستىرۋ مەن دارىپتەۋدە بار كۇش-جىگەرىن سالۋدى جالعاستىرىپ كەلەدى. ونىڭ ىشىندە وزىق ويلى ۇلت، ىرگەسى بەرىك ەل، بىلىمگە قۇشتار جۇرت ەكەنىمىزدى كورسەتۋدە اتقارىلار شارۋالار ءالى دە الداعى ۋاقىتتىڭ ەنشىسىندە.