جىل باسى جىلجىمايتىن مۇلىك نارىعى ءۇشىن جاڭالىقتارعا تولى بولدى دەپ جازادى Qamshy.kz اقپارات اگەنتتىگى kn.kz-كە سىلتەمە جاساپ. ونىڭ ىشىندە توقسان ارالىق قورىتىندىلار مەن «نۇرلى جەر» باعدارلاماسىن جۇزەگە اسىرۋ جوسپارى بار. الدانعان ۇلەسكەرلەرگە «نۇرلى جەر» مەملەكەتتىك باعدارلاماسى اياسىندا ءۇي سالىناتىنىن دا اتاپ ءوتۋ كەرەك.
- «نۇرلى جەر» قازاقستانداعى قۇرىلىس سالاسىنا كەتەتىن قارجىنى 90% وسىرمەك
جاڭا قابىلدانعان تۇرعىن ءۇي بارعارلامالارى تۇرالاپ قالعان قۇرىلىس ماتەريالدارىنىڭ ءوندىرىس سالاسىن جانداندىرادى.
11 ايدىڭ ىشىندە ەلدە 9،6 ميلليون شارشى مەتر جەر (ءبىر جىلدا +7،6%) قۇرىلىسقا بەرىلدى. ونىڭ 4،1 ميلليون شارشى مەترىن حالىق پايدالاندى.
- مەملەكەتتىك باعدارلامالاردىڭ ارقاسىندا تۇرعىن ءۇي قۇرىلىسى ءبىر جىلدا 8% ءوستى
2017 جىلى 11 ايدا تۇرعىن ءۇيدى پايدالانۋعا بەرۋ كورسەتكىشى 8% ءوستى. دەسەك تە قۇرىلىسپەن اينالىساتىندار قۇرىلىس ءۇشىن قارجى تابۋ تەتىكتەرىن كوپ پايدالانبايتىنى بايقالادى. كرەديت بەرۋ سالاسى ءبىر جىلدا 4% تومەندەگەن. قۇرىلىسقا كرەديت بەرۋ ازايدى. قازان ايىنىڭ قورىتىندىسى بويىنشا اتالمىش سالا پورتفەلى 937،7 ملرد تەڭگە عانا بولدى. بۇل 2016 جىلمەن سالىستىرعاندا 2،2%-عا، ال قىركۇيەكپەن سالىستىرعاندا 4،2% از.
- ءبىر جىلدىڭ ىشىندە قازاقستاندا جاڭا سالىنعان پاتەر باعاسى قىمباتتادى
2017 جىلدىڭ جەلتوقسانىنان 2016 جىلدىڭ جەلتوقسانىنا دەيىن تۇرعىن ءۇي ساتىلىمى 1،3% ءوستى. پاتەردى الىپ ساتۋ باعاسى 1،6%، تۇرعىن ءۇي باعاسى 0،8% ارزاندادى. پاتەردى جالعا الۋ باعاسى 3،8% قىمباتتادى.
جاڭا سالىنعان ءۇي باعاسىنىڭ قىمباتتاۋى تالدىقورعاندا (+56،8%)، استانادا (+4،6%)، اقتوبەدە (+4،0%) بايقالدى. ال الماتىدا جاڭا سالىنعان ءۇي باعاسى، كەرىسىنشە، 3،9% ارزاندادى.
- پرەزيدەنت 2030 جىلعا دەيىن ءبىر ادامدى 30 شارشى مەتر تۇرعىن ءۇي اۋماعىمەن قامتاماسىز ەتۋدى تاپسىردى
نۇرسۇلتان نازاربايەۆ جىل سايىنعى حالىققا جولداۋىندا سوڭعى 10 جىلدا قازاقستاندىقتاردى تۇرعىن ۇيمەن قامتاماسىز ەتۋ كورسەتكىشى 30% ارتىپ، 21،6 شارشى مەتر بولعانىن ايتقان. ەلباسى رەسپۋبليكادا پايدالانۋعا بەرىلەتىن تۇرعىن ءۇي سانىنىڭ ارتۋىنا مەملەكەتتىك باعدارلامالار ىقپال ەتكەنىن اتاپ ءوتتى. ءقازىر جىلىنا 10 ميلليون شارشى مەتر تۇرعىن ءۇي قۇرىلىسىنا بەرىلەدى.
- جەكە تۇلعانىڭ سالعان ءۇيىن قابىلداۋ ەرەجەسىنە وزگەرىستەر ەنگىزىلدى
2017 جىلى 13 جەلتوقساندا ق ر ينۆەستيسيالار مەن دامۋ مينيسترلىگىنىڭ بۇيرىعى بويىنشا جەكە ادامنىڭ سالعان تۇرعىن ءۇيىن قابىلداۋ ەرەجەسى مەن قابىلداۋ اكتىسىنىڭ فورماسى وزگەردى. اكت – ءۇيدى تىركەۋ بارىسىندا ونى سالعان ادامدىكى ەكەنىن ايعاقتايتىن قۇجات.
- 2015-2017 جىلدار ارالىعىندااستاناداعى تۇرعىن ءۇي قۇرىلىسىنىڭ ساپاسى جاقساردى
سالىنىپ جاتقان ۇيلەردىڭ ساپاسىنا قاتىستى تۇرعىنداردىڭ شاعىمى ازايعان. مەملەكەتتىك ساۋلەت-قۇرىلىس باقىلاۋى باسقارماسىنىڭ ءتوراعاسى تولەگەن قۇلىشيەۆتىڭ ايتۋىنشا، استانادا ءوز بەتىمەن تۇرعىن ءۇي سالۋ فاكتىلەرى جويىلعان. 2017 جىلى 655 سۋبەكت 114 173 568 سوماسىنا اكىمشىلىك جاۋاپكەرشىلىككە تارتىلدى. اكىمشىلىك سوت ارقىلى 460 سۋبەكت 35 815 940 تەڭگەگە اكىمشىلىك جاۋاپكەرشىلىككە تارتىلدى.
- تۇرعىنۇيقۇرىلىسجيناقبانكىن جەكەشەلەندىرۋ 2018 جىلدىڭ اياعىنا دەيىن جۇزەگە اسپاق
ينۆەستورلار تۇرعىنۇيقۇرىلىسجيناقبانكىن كەشەندى ساراپتامادان وتكىزۋدى باستاپ كەتتى. «بايتەرەك» حولدينگىنىڭ باسقارما ءتوراعاسى ايدار اريفحاننىڭ بەرگەن اقپاراتىنا سايكەس، قارجى كەڭەسشىسى ينۆەستورلاردى ىزدەۋ جانە كەلىسىم بويىنشا پوتەنسيالدى ينۆەستورلارعا 420 سۇرانىم جىبەردى. ونىڭ 249-ى قىزىعۋشىلىق ءبىلدىردى.
- تۇرعىنۇيقۇرىلىسجيناقبانكى «نۇرلى جەر» باعدارلاماسى بويىنشا 50 ملرد تەڭگە قارىز بەرۋدى جوسپارلاپ وتىر
ءقازىر تۇرعىنۇيقۇرىلىسجيناقبانكى كليەنتتەرى ءۇشىن 7462 پاتەر پايدالانۋعا بەرىلۋگە دايىن. 2018 جىلى تاعى 16 938 پاتەردى سالۋ جوسپاردا بار.
«نۇرلى جەر» باعدارلاماسى بويىنشا ءۇي تۇرعىنۇيقۇرىلىسجيناقبانكىنىڭ كليەنتتەرىنە قازاقستاننىڭ بارلىق قالاسىندا بەرىلەدى.
«نۇرلى جەر» باعدارلاماسىنىڭ شارتى بويىنشا ارزان باعامەن ءۇي الۋ ءۇشىن جەكە شوتىندا ەڭ از دەگەندە 30% كولەمىندە جارناسى بار بانك سالىمشىسى بولۋى قاجەت. مەملەكەتتىك باعدارلاماعا قاتىسۋشى جىلىنا 5% جەڭىلدىكپەن قارىز الا الادى.
- كوللەكتورلارعا يپوتەكا العانداردى مازالاۋعا تىيىم سالىندى
كوللەكتورلىق قىزمەت تۇرعىن ءۇي تۇرىندەگى كەپىلدەمەسى بار جەكە تۇلعاعا جۇرگىزىلمەيدى. بۇل «كوللەكترلىك قىزمەت تۋرالى» زاڭدا جازىلعان.
2018 جىلدىڭ 1 اقپانىندا 60 كوللەكتورلىق اگەنتتىك ۇلتتىق بانكتەگى ەسەپتىك تىركەۋدەن ءوتتى. 02.06.2017 مەن 01.01.2018 ارالىعىندا ۇلتتىق بانككە كوللەكتورلاردىڭ زاڭ قالدانعا دەيىنگى ارەكەتتەرى جونىندە 15 ارىز ءتۇستى.
- استاناداعى داۋلى تۇرعىن ۇيلەردىڭ قۇرىلىسىن وكىلەتتى ۇيىمدار جۇرگىزەدى
استانا قالاسى اكىمدىگى داۋلى قۇرىلىس نىساندارىنىڭ قۇرىلىسىن اياقتايتىن وكىلەتتى ۇيىمدار قۇرىلاتىنىن حابارلادى. ول «نۇرلى جەر» مەملەكەتتىك باعدارلاماسى اياسىندا جۇزەگە اسادى.
ۇيىم ج ش س رەتىندە جۇمىس ىستەيدى. استانادا «نۇرلى جەر» بويىنشا قاتىساتىن داۋلى قۇرىلىس نىساندارىنىڭ ءتىزىمى جاسالدى. استانا قالاسى اكىمدىگىنىڭ باسپا ءسوز قىزمەتىنىڭ مالىمەتىنشە، ۆەدوسمتۆوارالىق كوميسسيا وتىرىسىندا قانداي نىساندار مەملەكەتتىك باعدارلاما بويىنشا قۇرىلىسىن اياقتايتىنى انىقتالدى.
